પોરબંદરની ગુ‚કુળ મહિલા કોલેજમાં ઉદિષા દ્વારા જીવન વીમા સુરક્ષા જાગૃતિ અને કારકિર્દીલક્ષી કાર્યક્રમ યોજાયો હતો.
કોલેજ શિક્ષણ યાત્રા સાથે સાથે વિદ્યાર્થીનીઓ પોતાની કારકિર્દીનું પણ ઘડતર કરે અને ખરાઅર્થમાં આર્થિક આત્મનિર્ભર બને તે માટે કોલેજના ઉદીશા વિભાગ દ્વારા  કારકિર્દીલક્ષી અનેક કાર્યક્રમો થતા હોય છે,જેમાં જીવન વીમા ક્ષેત્રમાં રહેલી કારકિર્દી અને વિમાની જ‚રીયાત અંગે એક માહિતીસભર કાર્યક્રમ યોજાયો હતો જેમાં પોરબંદર લાઇફ ઇનસ્યુરન્સ કંપની ઓફ ઇન્ડિયાના બ્રાન્ચ મેનેજર  દિપકભાઈ બોરશે તથા જિલ્લાના ડેવલપમેન્ટ ઓફિસર અને બ્રાન્ચ એસોસીએટ  નરેશભાઈ લાખાણી તજજ્ઞ તરીકે ખાસ ઉપસ્થિત રહ્યા હતા.
કાર્યક્રમની શ‚આતમાં મહેમાનોનું સુતરની માળા સાથે  સ્વાગત કર્યા બાદ બ્રાન્ચ મેનેજર દિપકભાઈ બોરશે દ્વારા ભારત સરકારની સૌથી મોટી વીમા ક્ષેત્રની કંપની એટલેકે એલ. આઇ.સી.ની માહિતી અને લોકોના સુખાકારી જીવન માટે કાર્યરત એવી આ સંસ્થા ૬૮ વર્ષ પુરા કરતી હોય,ત્યારે એલ.આઇ.સી. સપ્તાહની ઉજવણીનાં ભાગરૂપે તેઓએ જીવન વીમાની જ‚રીયાત અને એમાં ક્લેમ સેટ કરવા એલ.આઇ.સી.ની કાર્યપદ્ધતિ વગેરે વિષયક જાણકારી આપી હતી અને આ ક્ષેત્રમાં કારકિર્દીની ઉમદા તકો કઈ હોય તેનો ખ્યાલ આપ્યો હતો.ત્યારબાદ ડી.ઓ. નરેશભાઈ લાખાણી દ્વારા તાજેતરમાં સરકાર દ્વારા જે બહેનો આ ક્ષેત્રમાં એડવાઈઝર તરીકે કાર્ય કરવા માંગતી હોય તેઓને ખાસ પ્રકારના ત્રણ વર્ષ માટે સ્ટાઈપેડની વ્યવસ્થા અંગે સમજ આપી હતી અને વધુમાં વધુ બહેનો આ કાર્યમાં જોડાઈ લર્નિંગ વિથ અર્નિંગ કરે તે માટે પોતાના તરફથી બનતી સહાય અને માર્ગદર્શન આપવા ખાતરી આપી હતી.અંતમાં કોલેજ ઉદીશા તરફથી ડો.જયેશ ભટ્ટ દ્વારા બહેનોને આ ક્ષેત્રમાં આગળ આવવા અપીલ કરવામાં આવી હતી અને ઉપસ્થિત મહેમાનોનું આભારદર્શન કરવામાં આવ્યુ હતુ. 
કોલેજ શિક્ષણ દરમ્યાન બહેનો અલગ અલગ ક્ષેત્રોમાં પોતાની આગવી કારકિર્દી બનાવે તે માટે આ પ્રકારના પ્રેરક કાર્યક્રમો યોજવા કોલેજના પ્રિન્સિપાલ ડો અનુપમ નાગર દ્વારા પ્રેરણા અને પ્રોત્સાહન પુરા પાડવામાં આવ્યા હતા.સમગ્ર કાર્યક્રમનું સંકલન અને સંચાલન કોલેજ ઉદીશાના ડો.નયન ટાંક દ્વારા કરવામાં આવ્યુ હતુ અને કોલેજની અંતિમ વર્ષમાં ભણતી આશરે સો થી વધુ બહેનોએ આ કાર્યક્રમમાં ઉત્સાહપુર્વક જોડાઈ હતી.આ કાર્યક્રમને સફળ બનાવવા  અરવિંદ રાવલિયાએ જહેમત ઉઠાવી હતી.