પોરબંદરના નાગકા નજીક વિદેશી દા‚ ભરેલી કાર પસાર થતી હોવાની શંકાના આધારે બગવદર પોલીસે એક યુવાનને ૧૨૦ બોટલ શરાબ સાથે પકડી પાડયો છે એટલું જ નહી પરંતુ તેને માલ આપનાર અને આ દા‚ પૂરો પાડનાર ઇસમોના નામ ખુલતા તેઓની સામે પણ ગુન્હા દાખલ થયા છે.
જૂનાગઢ રેન્જના પોલીસ મહાનિરીક્ષક જાજડીયા તથા પોલીસ અધિક્ષક ભગીરથસિંહ જાડેજા તથા પોરબંદર ગ્રામ્ય વિભાગના નાયબ પોલીસ અધિક્ષક સુરજીત મહેડુ દ્વારા પોરબંદર જિલ્લામાં દા‚ની બદી સદંતર નેસ્તનાબુદ કરવા ખાસ સુચના આપેલ હોય જે અન્વયે બગવદર પોલીસ સ્ટેશનના પોલીસ સબ ઇન્સપેકટર એ.એસ. બારા તથા પોલીસ સ્ટાફના માણસો બગવદર પોલીસ સ્ટેશન વિસ્તારમાં પેટ્રોલીંગમાં હતા. આ દરમ્યાન નાગકા ગામ તરફથી એક શંકાસ્પદ  લોડેડ સ્વીફટ કાર આવતી હોવાનું જણાતા આ ફોર વ્હીલ કારને રોકાવી ચેક કરતા ગેરકાયદેસર   રીતે ભારતીય બનાવટની વિદેશી દા‚ની અલગ-અલગ કંપનીની શીલપેક બોટલ જેમાં ૭૫૦ એમ.એલ. વ્હીસ્કીની શીલ પેક બોટલ નંગ-૯૬ની કિંમત ‚ા.૪૪,૬૪૦ તથા  ૭૫૦ એમ.એલ. કંપનીની સીલ પેક બોટલ નંગ -૨૪કિ. ‚ા. ૧૩,૪૬૪ મળી કુલ બોટલ નંગ-૧૨૦ની ટોટલ કિ.‚ા. ૫૮,૧૦૪ તથા સ્વીફ્ટ ફોરવ્હીલ કારની કિંમત ‚ા. ૨,૦૦,૦૦૦ મળી કુલ કિ.‚ા. ૨,૫૮,૧૦૪નો મુદામાલની હેરફેર કરી આરોપી બાવન દાનાભાઇ કટારા ઉ.વ. ૨૭ રહે. બાવળવાવ, સિંહજર નેશ, વાળાને પકડી પાડયો હતો તથા તેને આ દા‚ નો જથ્થો આપનાર   અરજન કારાભાઇ શામળા, રહે. રાણપર ગામ, ધ્રામણીનેશ, તા. ભાણવડ,  એ વેચાતો આપી અને બગવદરના આરોપી રાજુ કનુભાઇ ફાફડીયા એ આ  દા‚નો જથ્થો મંગાવ્યાનું બહાર આવતા તેની સામે પણ ગુન્હો દાખલ થયો છે. 
આ કામગીરીમાં પોલીસ સબ ઇન્સપેકટર એ.એસ.બારા, પો. હેડ. કોન્સ. વિ. એન ભુતીયા તથા કે.આર. કરંગીયા તથા વિ.કે. ઘુઘલ, ડી.આર. સીસોદીયા, પોલીસ કોન્સ્ટેબલ અનોપસિંહ ભાવુભા ભટ્ટી, લોકરક્ષક દિલાવરસિંહ કચરાભાઇ કાછેલા દ્વારા કરવામાં આવેલ છે.