જમ્મુ અને કાશ્મીરના બાંદીપોરા જિલ્લાના રહેવાસી ઈમ્તિયાઝ શેખ મુલતાની(36)ની ગુજરાતના કચ્છમાંથી ધરપકડ કરવામાં આવી છે. તે પાકિસ્તાની સોશિયલ મીડિયા ઇન્ફ્લુઅન્સરને મળવાની આશાએ સરહદ પાર કરીને પાકિસ્તાનમાં ઘૂસવાના ઇરાદે ગુજરાતના કચ્છમાં પહોંચ્યો હતો, પરંતુ પોલીસે તેને કસ્ટડીમાં લીધો હતો. અધિકારીઓએ બુધવારે આ જાણકારી આપી. તેમણે કહ્યું કે જમ્મુ અને કાશ્મીરનો એક 36 વર્ષીય વ્યક્તિ, જે કચ્છ જિલ્લાના ખાવરા ગામમાં પહોંચ્યો હતો, તે એક મહિલાને મળવા માટે સરહદ પાર કરીને પાકિસ્તાનમાં પ્રવેશવાનો પ્રયાસ કરી રહ્યો હતો ત્યારે પોલીસે તેને પકડી લીધો હતો. તે બન્ને ઓનલાઈન સંપર્કમાં આવ્યા હતા.
શેખને લાગ્યું કે તે કચ્છ સરહદ દ્વારા કાયદેસર રીતે પાકિસ્તાનમાં પ્રવેશી શકે છે અને તેથી સત્તાવાળાઓ પાસેથી પરવાનગી મેળવવા માટે સ્થાનિક રહેવાસીઓની મદદ માંગી. કચ્છ (પશ્ચિમ)ના પોલીસ અધિક્ષક સાગર બાગમારે જણાવ્યું હતું કે, “શેખ ઓનલાઈન સંપર્કમાં આવેલી એક મહિલાને મળવા સરહદ પાર કરીને પાકિસ્તાનમાં પ્રવેશવાની ઈચ્છા સાથે ખાવરા પહોંચ્યો હતો. મંગળવારે ખાવરા પહોંચ્યા બાદ તેને કસ્ટડીમાં લેવામાં આવ્યો હતો.
તેમણે કહ્યું કે પ્રારંભિક તપાસ કર્યા પછી અને જમ્મુ અને કાશ્મીરમાં શેખના પરિવાર અને સ્થાનિક પોલીસ સાથે તથ્યોની ચકાસણી કર્યા પછી અધિકારીઓને જાણવા મળ્યું કે કોઈ ખતરો નથી એટલે સાંજે તેને મુક્ત કરવામાં આવ્યો. બાગમારે કહ્યું કે શેખ માનસિક રીતે નબળો જણાય છે. ઈન્સ્પેક્ટર એમ.બી. ચૌહાણે જણાવ્યું હતું કે કાશ્મીરથી પાકિસ્તાન જવાનું સરળ નહોતું, જેના કારણે શેખ ઇન્ફ્લુઅન્સરને મળવાનો સરળ રસ્તો શોધવાના પ્રયાસમાં કચ્છથી સરહદ પાર કરવાનો પ્રયાસ કરવા માંગતો હતો.
ચૌહાણે કહ્યું, “શેખ મુલતાન શહેરના એક પાકિસ્તાની સોશિયલ મીડિયા ઇન્ફ્લુઅન્સરથી પ્રભાવિત થયો હતો અને તેણે મહિલા ઇન્ફ્લુઅન્સરને મળવાનું નક્કી કર્યું હતું. તેણે ગૂગલ મેપ્સની મદદ લીધી અને કચ્છને સૌથી નજીકનું હોવાનું જાણવા મળ્યું. તેણે કહ્યું કે તેણે કાયદેસર રીતે પાકિસ્તાનમાં પ્રવેશવા માટે અધિકારીઓ પાસેથી મંજૂરી મેળવવા માટે ગ્રામજનોની મદદ માંગી. ચૌહાણે કહ્યું, "ગામલોકોએ જાણ કર્યા પછી, અમે તેને પોલીસ સ્ટેશન લઈ આવ્યા."
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationભારત પાકિસ્તાન યુદ્ધની પરિસ્થિતિ પર જામનગર જિલ્લા વહીવટી તંત્રની ચાંપતી નજર
May 09, 2025 03:04 AMભારત-પાકિસ્તાન યુદ્ધની પરિસ્થિતિ પર જામનગર જિલ્લા વહીવટી તંત્રની ચાંપતી નજર
May 09, 2025 02:39 AMભારતને કોઈ નુકસાન થયું નથી... સંરક્ષણ મંત્રાલયે પુષ્ટિ આપી
May 09, 2025 01:28 AMCopyright © 2023-2024 Aajkaal Daily
Developed by Rhythm Infotech