રાજકોટમાં રેસકોર્સ રીંગ રોડ પર પાસે કનકાઈ ટી સ્ટોલ પાસે ભારત અને દક્ષિણ આફ્રિકાની ટેસ્ટ મેચ પર મોબાઈલ આઈડી મારફત ક્રિકેટ રમતા જયપુરના કેન્ટીન સંચાલકને ક્રાઈમ બ્રાન્ચે ઝડપી લીધો હતો. પૂછતાછમાં આઈડી આપનાર તરીકે દિલ્હીના શખસનુ નામ ખુલ્યું હતું.

જાણવા મળતી વિગતો મુજબ, ક્રાઈમ બ્રાન્ચ પીઆઈ વાય.બી.જાડેજાની રાહબરી હેઠળ પીએસઆઇ એમ.જે.હત્પણ તથા તેમની ટીમ પેટ્રોલિંગમાં હતી દરમિયાન હેડ કોન્સ્ટેબલ અમિતભાઈ અગ્રાવત અને કુલદીપસિંહને મળેલી બાતમીના આધારે રેસકોર્સ રીંગરોડ પર કનકાઈ ટી સ્ટોલ પાસે સાંજના મોબાઇલમાં આઈડી મારફત ભારત અને દક્ષિણ આફ્રિકા વચ્ચે રમાઈ રહેલી ટેસ્ટ ક્રિકેટ મેચ પર સટો રમી રહેલા રાજસ્થાનના જયપુરના વતની મહાવીર સદારામ ઘાયલ (જાટ)(ઉ.વ ૨૯) ને ઝડપી લીધો હતો.
પોલીસે ઝડપાયેલા આ શખસની પૂછતાછ કરતા તે જયપુરમાં કેન્ટીન ચલાવતો હોવાનું અને કામ સબબ રાજકોટમાં આવ્યાનું જણાવ્યું હતું.તેણે દિલ્હીના અનુજ નામના શખસ પાસેથી ક્રિકેટ સટ્ટો રમવા માટે આઈડી લીધી હોવાનું જણાવ્યું હતું. પોલીસે આ શખસ પાસેથી .૩૫,૦૦૦ નો મોબાઈલ કબજે કરી આઈડી આપનાર દિલ્હીના શખસને શોધી કાઢવા તપાસ હાથ ધરી છે.
જુગારના અન્ય દરોડામાં થોરાળા પોલીસ મથકના સ્ટાફે ખોડીયારપરા આ શેરી નંબર ૧૫૭ આજી વસાહત વિસ્તારમાં રહેતા નરેન્દ્રસિંહ સુભા વાળા (ઉ.વ ૨૮) ના મકાનમાં દરોડો પાડી અહીં જુગાર રમતા નરેન્દ્રસિંહ ઉપરાંત સાવજ વાસુરભાઈ કામળિયા, રાજેશ ગોડ સહિત ત્રણ શખસોને ઝડપી લઇ તેમની પાસેથી .૧૨૪૦ ની રોકડ કબજે કરી હતી. યારે ગાંધીગ્રામ પોલીસે રૈયા રોડ પર હનુમાન મઢી પાસે વરલીના આંકડા લેતા વિનોદગીરી રામગીરી ગોસ્વામી (ઉ.વ ૪૯) અને ભુપત પુનાભાઈ રાઠોડ (ઉ.વ ૪૮) ને ઝડપી લીધા હતા