ગીર સોમનાથના કોડીનારમાં બંધ પડેલી રેલ્વે ટ્રેક પર ઝૂંપપટ્ટીમાં રહેતા દેવીપૂજક પરિવારની ૪ માસની માસૂમ બાળકીને હિંસક પ્રાણીએ ફાડી ખાધી બાળકીના મૃતદેહને કોડીનાર સરકારી દવાખાને પી.એમ માટે ખસેડાયો છે.રેલ્વે ટ્રેક પર ઝૂંપપટ્ટીમાં રહેતા દેવીપૂજક પરિવારની ૪ માસની માસૂમ બાળકી પર રાત્રિના હિંસક પ્રાણીએ હુમલો કરી ઉપાડી જઈ ફાડી ખાધી.આ બનાવની જાણ રાત્રે કુદરતી હાજત માટે જાગેલા બાળકીના પિતાને થતાં મોડી રાત્રે જ તેઓએ તાત્કાલિક લાંબી શોધખોળ હાથ ધરતા પાટાથી થોડે દૂર બોરડીનાં ઝુંડમાંથી બાળકીના શરીરનો એક ભાગ ખાધેલો મૃતદેહ મળ્યો. ૪ માસની હેતલ સોલંકી નામની માસૂમ બાળકીને હિંસક પ્રાણીએ ફાડી ખાધી બાળકીના મૃતદેહ ને પી.એમ અર્થે સરકારી દવાખાને ખસેડાયો.જોકે આ બનાવથી તંત્ર હજુ અજાણ હોય વધું વિગતો ફરિયાદ બાદ જ જાણવા મળશે અને આ હુમલામાં હિંસક પ્રાણી કે ખૂંખાર કૂતરાએ બાળકીને ફાડી ખાધી એ તો તપાસ બાદ જ બહાર આવશે.