હનુમાનટેકરીમાં દરોડો : રોકડ અને સાહિત્ય કબ્જે લેતી પોલીસ

જામનગરના હનુમાન ટેકરી વિસ્તારમાં આવેલ દલિતનગરમાં ગંજીપતા વડે કેટલીક મહિલાઓ જુગાર રમે છે એવી હકીકતના આધારે સીટી-સી પોલીસે દરોડો પાડીને 7 મહિલા સહિત 9 પત્તાપ્રેમીઓને રોકડ અને સાહિત્ય સાથે અટકાયત કરી હતી.

અહીંના હનુમાન ટેકરી વિસ્તારમાં દલિતનગરમાં મંદિર નજીક જાહેરમાં ગંજીપતા વડે તિનપતીનો જુગાર રમતા હનુમાન ટેકરીના તેજુબેન રામજી પરમાર, કેશીબેન નાનજી રાઠોડ, દેવીબેન કરશન બોખાણી, મણીબેન મોહન આઠુ, વિબેન દુદા આઠુ, ચંદ્રિકાબેન વાલજી આઠુ, અમૃતબેન મનસુખ આઠુ, પરસોતમ હમીર પરમાર અને આકાશ મનસુખ આઠુની અટકાયત કરવામાં આવી હતી.

દરોડા દરમ્યાન પોલીસે 1560ની રોકડ અને ગંજીપતા કબ્જે કરી જુગારધારા 12 મુજબ કાર્યવાહી કરવામાં આવી હતી.