મહિલાઓ સામે વધતા જતા ગુનાખોરીના મામલાને કારણે બાળકીઓ,સગીરાઓ અને મહિલાઓ ક્યાં અને કેટલા સમય માટે સુરક્ષિત છે તે અનુમાન લગાવવું દિવસેને દિવસે મુશ્કેલ બની રહ્યું છે. ઘરમાં પણ મહિલાઓ કે બાળકીઓ સુરક્ષિત નથી. આવી જ એક ઘટના સામે આવી છે. 11 વર્ષની માસૂમ બાળકી તેના મિત્રો સાથે સંતાકૂકડી રમી રહી હતી, જ્યાં તે છુપવા ગઈ ત્યાં અને તેમની સાથે આવી ઘટના બની હતી.

આ ઘટના મહારાષ્ટ્રના જલગાંવમાંથી સામે આવી છે. દરરોજની જેમ ઘટનાના દિવસે પણ બાળકી તેના મિત્રો સાથે સંતાકૂકડી રમી રહી હતી. તે છુપાવા માટે એક રૂમમાં ગઈ, તેને રૂમમાં જતી જોઈને એક શખ્સ પણ તેની પાછળ રૂમમાં ઘૂસી ગયો અને રૂમનો દરવાજો બંધ કરી દીધો. આ પછી તેણે લાઇટ પણ બંધ કરી દીધી અને બાળકીનો ચીસોનો અવાજ ન સંભળાય તે માટે તેનું મોં દબાવીને બળાત્કાર કર્યો હતો. આરોપીએ બાળકીને જાનથી મારી નાખવાની ધમકી આપી હતી.

બાળકી ઘરે પહોંચી અને ચોધાર આંસુએ આખી ઘટના તેના પરિવારજનોને જણાવી હતી. ત્યારબાદ પરિવારજનોએ સિદ્ધાર્થ વાનખેડે નામના વ્યક્તિ વિરુદ્ધ પોલીસ સ્ટેશનમાં ફરિયાદ નોંધાવી હતી. ઘટના બાદ આરોપી પોલીસના ડરથી મુંબઈ ભાગી ગયો હતો. પરંતુ પોલીસના દરોડા બાદ તેની ધરપકડ કરવામાં આવી હતી.

પોલીસ આરોપીની પૂછપરછ કરી રહી છે અને કેસની સત્યતા બહાર લાવવાનો પ્રયાસ કરી રહી છે. આરોપીને કોર્ટમાં રજૂ કરવામાં આવશે. તેમજ બાળકીની મેડિકલ તપાસ પણ કરવામાં આવશે અને રિપોર્ટ આવ્યા બાદ આગળની કાર્યવાહી કરવામાં આવશે.