રૂ.૭૫ લાખ કઢાવવા માટે પુર્વ ભાગીદારે હવાલો આપતા ગેંગે વેપારીનું અપહરણ કરી તેને ગોંધી રાખી મારમાર્યો હતો.જે ગુનામાં ઝડપાયેલા વધુ ચાર આરોપીઓની જામીન અરજી કોર્ટે મંજુર કરી છે.

ટી.એન.રાવ કોલેજ સામે નંદભુમી એપાર્ટમેન્ટમા રહેતા ફરીયાદી આનંદભાઈ ગીરીધરભાઈ કણસાગરાએ અમીત પ્રફુલચંદ કાચા તથા હિરેનભાઈ ગોરધનભાઈ ઠુંમરને ફેકટરીની પાર્ટનરશીપમા ભાગે પડતા રૂા.૭૫ લાખ ચુકવવાના હોય જે રકમ ફરીયાદી ન ચુકવતા પૂર્વ ભાગીદારે આ રકમ કઢાવવા હવાલો આપ્યો હતો.જેથી ટોળકીએ વેપારીનું સ્કોર્પીયો કારમા અપહરણ કરી રૂખડીયાપરા લઇ જઇ લોખંડના પાઈપ વડે તથા ઢીકાપાટુનો મુંઢ માર મારી જાનથી મારી નાખવાની ધમકીઓ આપી હતી.જે અંગે વેપારીએ યુનિવર્સિટી પોલીસ સ્ટેશનમાં ફરિયાદ નોંધાવી છે.જે ગુનામાં અગાઉ પૂર્વ ભાગીદાર અમીત કાચા ઝડપાયા બાદ વધુ ચાર આરોપીઓ જાહીર સંઘવાણી, સમીર શેખ, નીજામ સંઘવાણી, હીરેન ઠુંમરની પોલીસે ધરપકડ કરી હતી.

ચારેય આરોપીઓએ રેગ્યુલર જામીન પર મુકત થવા જામીન અરજી કરી હતી.બંને પક્ષેની રજુઆતો, રેકર્ડ પરની હકીકતો તેમજ પોલીસ પેપર્સને ધ્યાને લઇ કોર્ટે ચારેય આરોપીઓને જામીન પર મુકત કરતો હુકમ કર્યો હતો. આરોપીઓ વતી રાજકોટના એડવોકેટ રીપલ એમ.ગેવરીયા, વિવેક ભંડેરી, હાર્દીક વાગડીયા, કિશન માંડલીયા, વિવેક લીંબાસીયા, રવી કોટડીયા રોકાયેલ હતા.