ક્લાઈમેટ ચેન્જના કારણે પરિસ્થિતિ વધુ વણસી રહી છે. તેનાથી વૈશ્વિક અર્થતંત્રને દર વર્ષે 38 લાખ અબજ ડોલરનું નુકસાન થશે. દક્ષિણ એશિયા અને આફ્રિકા સૌથી વધુ પ્રભાવિત થશે, 2050માં સરેરાશ આવકમાં લગભગ 22 ટકાનો ઘટાડો થશે. એટલું જ નહીં આગામી 25 વર્ષમાં વૈશ્વિક અર્થવ્યવસ્થાને લગભગ 19 ટકા આવકનું નુકસાન થવાની ધારણા છે. ભારતના મોટાભાગના વિસ્તારોમાં આ નુકસાન 20 થી 25 ટકા હોઈ શકે છે. જર્મનીની પોટ્સડેમ ઈન્સ્ટિટ્યૂટ ફોર ક્લાઈમેટ ઈમ્પેક્ટ રિસર્ચના વૈજ્ઞાનિકોએ અભ્યાસમાં દાવો કરીને આશંકા વ્યક્ત કરી છે કે ક્લાઈમેટ ચેન્જથી લગભગ તમામ દેશોમાં ભારે આર્થિક નુકસાન થશે. વિશ્વને સરેરાશ તાપમાનમાં વધારો 1.5 ડિગ્રી સેલ્સિયસ સુધી મર્યિદિત કરવા માટે 2030 સુધીમાં કાર્બન ડાયોક્સાઇડના ઉત્સર્જનમાં 43 ટકાનો ઘટાડો કરવાની જરૂર છે.
અધ્યયન અનુસાર, નબળા દેશો, જે આબોહવા પરિવર્તન માટે સૌથી ઓછા જવાબદાર છે, તેઓ આ ફેરફારોથી સૌથી વધુ પીડાય છે. સમૃદ્ધ દેશોની સરખામણીમાં આ દેશોને કમાણીમાં 60 ટકાથી વધુનું નુકસાન થઈ શકે છે. કમનસીબે, આ દેશો પહેલાથી જ આ આબોહવા પરિવર્તનનો સામનો કરવા માટે સંઘર્ષ કરી રહ્યા છે. તેમની પાસે આને અનુકૂળ થવા માટે બહુ ઓછા સંસાધનો છે.
અભ્યાસના મુખ્ય લેખક એન્ડર્સ લિવરમેનના જણાવ્યા અનુસાર, આ બધા આપણા ભૂતકાળના ઉત્સર્જનનું પરિણામ છે. આપણે કાર્બન ઉત્સર્જનમાં તીવ્ર અને તાત્કાલિક ઘટાડો કરવાની જરૂર છે.વર્લ્ડ મીટીરોલોજિકલ ઓર્ગેનાઈઝેશનના સ્ટેટ ઓફ ધ ગ્લોબલ ક્લાઈમેટ 2023ના અહેવાલ મુજબ, ગ્રીનહાઉસ ગેસનું સ્તર, સપાટીનું તાપમાન, સમુદ્રનું ઉષ્ણતામાન અને એસિડિફિકેશન અને દરિયાઈ સપાટીમાં વધારો 2023માં રેકોર્ડ ઊંચાઈએ પહોંચશે. તેથી વિશ્વને સરેરાશ તાપમાનમાં વધારો 1.5 ડિગ્રી સેલ્સિયસ સુધી મર્યાદિત કરવા માટે 2030 સુધીમાં કાર્બન ડાયોક્સાઇડના ઉત્સર્જનમાં 43 ટકાનો ઘટાડો કરવાની જરૂર છે. જો ટૂંક સમયમાં પગલાં લેવામાં નહીં આવે તો બીજા ભાગમાં આપણે મોટા આર્થિક નુકસાનનો સામનો કરવો પડશે.
દક્ષિણ એશિયા અને આફ્રિકન દેશો વધુ પ્રભાવિત
અભ્યાસ અનુસાર, આ આર્થિક નુકસાનથી દક્ષિણ એશિયાઈ અને આફ્રિકન દેશો સૌથી વધુ પ્રભાવિત થશે. સાથે જ જર્મની, ફ્રાન્સ અને અમેરિકા જેવા વિકસિત દેશોને પણ અસર થશે. સંશોધકોએ જણાવ્યું હતું કે અંદાજિત નુકસાન ખૂબ જ મોટું છે અને સરેરાશ તાપમાનમાં વધારો બે ડિગ્રી સેલ્સિયસથી નીચે રાખવા માટે કાર્બન ઉત્સર્જન ઘટાડવાના ખર્ચ કરતાં લગભગ છ ગણો વધારે છે.
સંશોધકોએ 40 વર્ષનો ડેટા અભ્યાસ કર્યો
સંશોધકોએ છેલ્લા 40 વર્ષોમાં વિશ્વભરના 1,600 થી વધુ પ્રદેશોના હવામાન અને આર્થિક ડેટાનો અભ્યાસ કર્યો હતો. ડેટાના વિશ્લેષણના આધારે તેમણે કહ્યું કે વૈશ્વિક આવકમાં ઘટાડો 11 ટકાથી 29 ટકાની વચ્ચે હોઈ શકે છે. તે વિવિધ હવામાન પરિસ્થિતિઓમાં અનિશ્ચિતતાઓ અને ડેટા પર આધાર રાખે છે. ચિંતા વ્યક્ત કરતાં સંશોધકોએ કહ્યું કે આ નુકસાન મોટા પાયે થવાની ધારણા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationગુજરાતનો 'મણિયારો રાસ' રાષ્ટ્રીય સ્તરે ચમક્યો: ગણતંત્ર દિવસની ઉજવણીમાં ત્રીજો ક્રમ મેળવ્યો
January 22, 2025 10:54 PMઅમદાવાદ કોલ્ડપ્લે કોન્સર્ટ: 3800થી વધુ પોલીસ, સુરક્ષાથી લઈને સ્વાસ્થ્ય સુધીની તમામ તૈયારીઓ પૂર્ણ
January 22, 2025 10:51 PMIND vs ENG 1st T20: કોલકાતામાં ભારતે ઇંગ્લેન્ડને 7 વિકેટે હરાવ્યું, અભિષેક શર્માની વિસ્ફોટક ઇનિંગ
January 22, 2025 10:46 PMવૃંદાવનના યોગેશ્વર આશ્રમના મહંત મોહનપુરી સ્વામીનો મહામંડલેશ્વર તરીકે પટ્ટાભિષેક
January 22, 2025 10:38 PMજામનગરમાં રાષ્ટ્રધ્વજની ખરાબ હાલત : જો આમ થાય તો ન જોઇએ હર ઘર તિરંગા
January 22, 2025 07:06 PMCopyright © 2023-2024 Aajkaal Daily
Developed by Rhythm Infotech