તળાજા પોલીસને મળેલી બાતમી ના આધારે રાળગોન ગામે રેડ કરી હતી. કાંટા ની વાડમા દારૂ ની પેટીઓનો વહીવટ કરતા સથરા રાળગોન અને ભાવનગરના લિસ્ટેડ બુટલેગરો પોલીસને જોઈ ભાગ્યા હતા.જેમાં એક ઝડપાઈ ગયો હતો.પોલીસે દારૂ, કાર બાઈક અને મોબાઈલ કબ્જે લઈ ગુન્હો ત્રણ બુટલેગર વિરુદ્ધ દાખલ કર્યો હતો.

રાળગોન ગામે નામીચા બુટલેગરો કાર લઈને આવી ને દારૂની પેટીઓનો ભર બપોરે ૧૨.૩૦ કલાકે વહીવટ કરી રહ્યા છે.પોલીસે તપાસ કરતા કાંટાની ઝાડીઓ વચ્ચે કાર નં.જીજે-૧કે.આર- ૯૫૪૬ જોઈ જતા રેડ કરતા પોલીસ ને જોઈ બુટલેગરો કાર,દારૂ અને બાઈક રેઢું મૂકીને ભાગ્યા હતા.જેમાં પોલીસે સથરા ગામના ગોપાલ સુખદેવભાઈ બારૈયા ને ઝડપી લીધોહતો.૩૪૮ નંગ દારૂની બોટલો સહિત રૂ.૩૯૫૦૮૦ નો મુદામાલ કબ્જે લઈ ઝડપાયેલા ગોપાલ ને પૂછ પરછ કરતા ભાગી ગયેલા ભયલુભા રણજીતસિંહ ગોહિલ (રે. રાળગોન), જીગર ઉર્ફે ખુશાલ ભરતભાઇ સોલંકી (રે.ભાવનગર) ના નામ આપ્યા હતા.પો.ઈ મકવાણા એ વધુમાં જણાવ્યું હતુ કે જીગર સોલંકી ને ભાવનગર ના એક ગુન્હામાં પકડવાનો બાકીછે.બીજા બે ઈસમો લિસ્ટેડ બુટલેગરો છે.