વિસ્તારના સીસી ટીવી કેમેરાની ચકાસણી કરતી પોલીસ

જામનગરના સતત ધમધમતા માંડવી ટાવર રોડ પર એક વૃઘ્ધના પેન્ટના ખિસ્સામાં રાખેલા રોકડા ૩૦ હજાર કોઇ ગઠીયો શેરવીને ચોરી કરી ગયાની પોલીસ ફરીયાદ નોંધાતા આ વિસ્તારના સીસીટીવી કેમેરા પોલીસ દ્વારા ચેક કરવામાં આવી રહયા છે.
ગોકુલનગર સાયોના શેરી નં. ૪ ખાતે રહેતા નિવૃત વૃઘ્ધ પરસોતમ જેઠાભાઇ માંડવીયા (ઉ.વ.૮૦) ગત તા. ૩ના રોજ માંડવી ટાવર પાસે પસાર થતા હતા ત્યારે તેઓએ તેમના પેન્ટના ખિસ્સામાં રાખેલ રોકડા રુા. ૩૦ હજાર કોઇ અજાણ્યા શખ્સો ચોરી કરીને લઇ ગયા હતા.
આ અંગે પરસોતમભાઇએ ગઇકાલે સીટી-એમાં અજાણ્યા ઇસમ સામે ફરીયાદ કરી હતી. પોલીસ દ્વારા ફરીયાદના આધારે આ વિસ્તારના સીસી કેમેરા ચકાસવા સહિતની તપાસ આગળ વધારી છે.