છેલ્લા ૨૪ વર્ષમાં ૨૦૧૦ની સાલમાં જામનગરમાં સૌથી વધુ ૮૧.૨૫ અને સૌથી ઓછો ધ્રોલમાં ૨૦૧૮ની સાલમાં માત્ર ૬ ઇંચ વરસાદ નોંધાયો: લાલપુર અને જામજોધપુરમાં સરેરાશ સારો વરસાદ
જામનગર જિલ્લામાં મેહુલીયાનું આગમન માવઠા પી થયુ છે પરંતુ સાચુ આગમન તો ૧૦ જૂન બાદ થશે. ૨૦૦૧થી ૨૦૨૪ સુધીનો વરસાદનો ઇતિહાસ જણાવીએ તો સૌથી વધુ ૨૦૧૦ની સાલમાં જામનગર શહેરમાં સાંબેલાધારે ૮૧.૨૫ ઇંચ વરસાદ વરસ્યો હતો. સીઝનમાં અને અત્યાર સુધીમાં ૨૪ વર્ષમાં ૨૦૧૦નું વર્ષ જામનગર માટે પુણ્યશાળી રહ્યું હતું. સૌથી ઓછો વરસાદ ૨૦૧૮ની સાલમાં ધ્રોલમાં માત્ર ૬ ઇંચ થયો હતો. એ સમયે ધ્રોલ પંથકમાં પીવાના પાણીની પણ સમસ્યા હતી, ૨૪ વર્ષમાં જનરલ જોઇએ તો લાલપુર અને જામજોધપુરમાં સારો વરસાદ થતા મગફળી અને કપાસના પાકને સારો ફાયદો થયો છે. ગયા વર્ષે જામજોધપુરમાં સૌથી વધુ ૧૫૮૯ મી.મી. વરસાદ થયો હતો. ત્યારબાદ કાલાવડમાં પણ ૧૫૨૩ મી.મી. વરસાદ થયો હતો. આમ ૨૦૨૪ની સાલમાં સારો એવો વરસાદ થતા હવે ૨૦૨૫ની સાલમાં પણ મેઘરાજા સારુ હેત વરસાવશે તેવી જગતના તાતને આશા બંધાઇ છે.
જામનગર જિલ્લામાં અવારનવાર માવઠાની સ્થિતિ રહે છે તેનાથી લોકો પણ કંટાળી જાય છે. ઉભા પાકને સારુ એવુ નુકશાન થાય છે આ સીઝનમાં ત્રણેક માવઠા આવતા પાકને સારુ એવુ નુકશાન થયું છે. વર્ષ વાઇઝ આંકડા તપાસીએ તો મોસમનાં કુલ વરસાદમાં ૨૦૦૧માં જામનગર ૫૮૩ મી.મી., કાલાવડ ૬૦૮, લાલપુર ૬૦૧, ધ્રોલ ૪૫૩, જોડીયા ૩૭૧, જામજોધપુર ૬૧૪, ૨૦૦૨માં જામનગર ૪૩૩, કાલાવડ ૬૧૭, લાલપુર ૩૯૦, ધ્રોલ ૩૫૪, જોડીયા ૨૭૫, જામજોધપુર ૨૧૫, ૨૦૦૩માં જામનગર ૧૪૨૯, કાલાવડ ૬૬૦, લાલપુર ૧૧૮૩, ધ્રોલ ૮૩૨, જોડીયા ૮૮૧, જામજોધપુર ૬૩૫, ૨૦૦૪માં જામનગર ૮૬૯, કાલાવડ ૫૩૦, લાલપુર ૬૬૯, ધ્રોલ ૫૦૦, જોડીયા ૪૯૩, જામજોધપુર ૫૪૩, તેમજ ૨૦૦૫ની વાત કરીએ તો જામનગર ૯૭૭, કાલાવડ ૭૭૭, લાલપુર ૭૦૫, ધ્રોલ ૭૦૭, જોડીયા ૪૮૮, જામજોધપુર ૬૨૨ મી.મી. એ વખતે મોસમનો કુલ વરસાદ થયો હતો. (૨૫.૪મી.મી. બરાબર ૧ ઇંચ ) તેમ ઇંચમાં ગણતરી કરી શકાય.
૨૦૦૬માં જામનગર ૬૬૬, કાલાવડ ૫૧૫, લાલપુર ૫૪૪, ધ્રોલ ૬૯૫, જોડીયા ૭૭૬, જામજોધપુર ૬૫૫ ૨૦૦૭માં સારો વરસાદ પડયો હતો. જામનગર ૧૯૪૫, કાલાવડ ૯૪૭, લાલપુર ૧૩૧૭, ધ્રોલ ૯૪૦, જોડીયા ૧૦૨૦, અને જામજોધપુરમાં ૧૦૬૦ મી.મી. વરસાદ પડયો હતો. ૨૦૦૮માં મેઘરાજા થોડા ધીમા પડયા હતા. જામનગરમાં ૮૨૫, કાલાવડ ૬૧૦, લાલપુર ૯૧૯, ધ્રોલ ૪૦૨, જોડીયા ૪૦૬, જામજોધપુર ૬૫૩, ૨૦૦૯માં મોસમનો કુલ વરસાદ જોઇએ તો જામનગર ૮૯૭, કાલાવડ ૫૮૨, લાલપુર સૌથી વધુ ૧૪૫૫, ધ્રોલ ૫૫૬, જોડીયા ૭૫૧, જામજોધપુર ૭૦૩, મી.મી. વરસાદ પડયો હતો. ૨૦૧૦માં મેઘાએ જામનગર જિલ્લાની અતૃપ્ત ધરાને તૃપ્ત કરીને મેઘમલ્હાર કર્યો હતો. છેલ્લા ૨૪ વર્ષમાં પ્રથમ વખત એ સીઝનમાં ૨૦૬૪ મી.મી. કાલાવડ ૮૯૭, લાલપુર ૧૯૩૭, ધ્રોલ ૭૦૨, જોડીયા ૧૦૬૫ અને જામજોધપુરમાં ૧૩૧૮ મી.મી. વરસાદ થયો હતો.
૨૦૧૧ની સીઝન થોડી નબળી પડી હતી. જામનગરમાં ૬૮૦, કાલાવડમાં ૫૦૯, લાલપુરમાં ૮૦૭, ધ્રોલમાં ૯૭૩, જોડીયામાં ૭૬૪, જામજોધપુરમાં ૮૯૬, વરસાદ પડયો હતો. ૨૦૧૨ની સાલમાં ખુબ જ નબળી હતી મેઘરાજા ઠયા હતા. જામનગરમાં ૩૮૦, કાલાવડ ૩૧૧, જોડીયા ૪૦૨, ધ્રોલ ૩૯૦, જોડીયા ૨૫૦, જામજોધપુર ૩૪૦મી.મી. વરસાદ પડયો હતો. ૨૦૧૩માં ફરી ધમાકેદાર આગમન કર્યું હતું. જામનગરમાં ૧૪૭૩, કાલાવડમાં ૮૦૧, લાલપુર ૮૮૭, ધ્રોલ ૭૭૪, જોડીયા ૭૬૯, અને જામજોધપુરમાં ૧૨૦૮ મી.મી. વરસાદ ખાબકયો હતો. ૨૦૧૪ ફરી નબળી પુરવાર થઇ જામનગરમાં માત્ર ૩૬૭ મી.મી., કાલાવડ ૪૮૧, લાલપુરમાં ૨૯૭, ધ્રોલ ૧૨૦૮, જોડીયા ૭૬૨, અને જામજોધપુરમાં ૫૫૫ મી.મી. વરસાદ થયો હતો. ૨૦૧૫માં જામનગરમાં ૩૨૨, કાલાવડ ૫૬૯, લાલપુર ૩૬૮, ધ્રોલ ૪૪૧, જોડીયા ૭૨૨, જામજોધપુર ૫૬૯ મી.મી. વરસાદ પડયો હતો.
મેઘરાજાએ ૨૦૧૬ની સાલ મીડીયમ રાખી હતી. જામનગર ૩૮૦, કાલાવડ ૬૪૭, લાલપુર ૭૬૬, ધ્રોલ એ વર્ષમાં ૧૨૦૭, જોડીયા ૫૩૮ અને જામજોધપુર ૮૫૨ મી.મી. વરસાદ થયો હતો. ૨૦૧૭માં પણ મઘ્યમ વર્ષ તરીકે ગણના થઇ. જામનગર ૬૨૪, કાલાવડ ૬૯૦, લાલપુર ૬૦૭, ધ્રોલ ૫૨૪, જોડીયા ૯૧૯ અને જામજોધપુર ૬૭૭ મી.મી. વરસાદ થયો હતો. જયારે ૨૦૧૮ની સાલ નબળી પુરવાર થઇ હતી. જામનગરમાં ૪૦૫, કાલાવડ ૪૬૯, લાલપુરમાં ૩૫૧, ધ્રોલમાં ૧૫૩, જોડીયા ૧૭૦ અને જામજોધપુરમાં ૫૦૨ મી.મી. વરસાદ પડતા ખેડુતો ચિંતામાં મુકાયા હતા. ૨૦૧૯માં મેઘરાજાએ દે ધનાધન કરીને આગમન કર્યું હતું. જામનગર ૧૨૩૪, કાલાવડ ૧૧૪૦, લાલપુર ૮૮૬, ધ્રોલ ૧૧૩૮, જોડીયા ૧૩૩૭, જામજોધપુર ૧૨૨૮, ૨૦૨૦ ની સાલમાં મેઘરાજાએ જામનગર જિલ્લાને સંતોષ થાય તેવો વરસાદ વરસવાવ્યો હતો. જામનગર ૧૧૦૪, કાલાવડ ૧૩૭૩, લાલપુર ૧૪૧૩, ધ્રોલ ૯૯૮, જોડીયા ૧૨૮૩, જામજોધપુર ૧૬૮૩ મી.મી. વરસાદ પડયો હતો.
૨૦૨૧માં જામનગરમાં ૮૨૨, કાલાવડ ૧૩૮૧, લાલપુર ૮૩૩, ધ્રોલ ૮૯૪, જોડીયા ૯૨૩, અને જામજોધપુર ૮૫૦ મી. મી. ૨૦૨૨માં જામનગર ૬૮૪, કાલાવડ ૭૧૨, લાલપુર ૫૫૨, ધ્રોલ ૭૧૬, જોડીયા ૩૪૫, જામજોધપુર ૭૯૬ મી.મી. વરસાદ પડયો હતો. ૨૦૨૩માં જામનગર ૧૩૩૩, કાલાવડ ૯૨૧, લાલપુર ૭૩૫, ધ્રોલ ૮૦૮, જોડીયા ૭૫૬, જામજોધપુર ૮૨૧ મી.મી. વરસાદ પડયો હતો. ગયા વર્ષે એટલે કે ૨૦૨૪માં જામનગર ૧૨૨૭, કાલાવડ ૧૫૨૩, લાલપુર ૧૩૮૧, ધ્રોલ ૮૩૧, જોડીયા ૧૧૮૩, અને જામજોધપુર ૧૫૮૯ મી.મી. વરસાદ પડયો હતો. આમ જામનગર જિલ્લામાં ૨૪ વર્ષના ઇતિહાસમાં કેટલાક ઉતારચડાવ સાથે વરસાદ નોંધાયો હતો.
છેલ્લા ૨૪ વર્ષમાં સૌથી વધુ અને ઓછો વરસાદ...
જામનગર જિલ્લામાં ૨૦૦૦ થી ૨૦૨૪ દરમ્યાન સૌથી વધુ વરસાદ જામનગર ૨૦૧૦માં ૨૦૬૪, ૨૦૨૧માં કાલાવડમાં ૧૩૮૧, લાલપુરમાં ૨૦૧૦માં ૧૯૩૭, ધ્રોલ ૨૦૧૬માં ૧૨૦૭, જોડીયા ૨૦૧૯માં ૧૩૩૭, અને જામજોધપુરમાં ૨૦૨૦માં ૧૬૮૩ મી.મી. વરસાદ પડયો હતો. જયારે સૌથી ઓછા વરસાદમાં ૨૦૧૫માં જામનગરમાં ૩૨૨, ૨૦૧૨માં કાલાવડ ૩૧૧, ૨૦૧૪માં લાલપુરમાં ૨૯૭, ૨૦૧૮માં ધ્રોલ ૧૫૩, ૨૦૧૮માં જોડીયામાં ૧૭૦ અને ૨૦૦૨માં જામજોધપુરમાં ૨૧૫ મી.મી. વરસાદ પડયો હતો.
