રાજસ્થાનના અજમેરથી 15 કિલોમીટરના અંતરે યોજાતો આંતરરાષ્ટ્રીય પુષ્કર પશુ મેળો શરૂ થઈ ગયો છે. આ મેળો 9 થી 15 નવેમ્બર સુધી ચાલશે. આ મેળામાં વિવિધ જાતિના પ્રાણીઓ ખરીદી અને વેચાણ માટે આવે છે પરંતુ આ વખતે આ મેળામાં હરિયાણાના સિરસાથી આવેલી ‘અનમોલ’ નામની ભેંસ આકર્ષણનું કેન્દ્ર બની છે. આ ભેંસને જોવા માટે દૂરદૂરથી મોટી સંખ્યામાં પ્રવાસીઓ આવી રહ્યા છે.

"અનમોલ" ના માલિક પલવિંદર સિંહે જણાવ્યું કે તે મુર્રાહ જાતિની ભેંસ છે અને તેની ઉંમર 8 વર્ષ છે. તેના ખોરાક પાછળ દરરોજ લગભગ 1500 રૂપિયાનો ખર્ચ થાય છે. તે માત્ર ફળો, કાજુ અને બદામ જ ખાય છે.

પલવિંદર સિંહે જણાવ્યું કે યુપીમાં અનમોલની કિંમત 23 કરોડ રૂપિયા આંકવામાં આવી છે. પુષ્કરમાં પણ ઘણા લોકોએ તેમની પાસેથી આ ભેંસ ખરીદવાની ઓફર કરી છે. તેમણે કહ્યું કે “અનમોલ” મુર્રાહ જાતિની ભેંસ છે, તેથી તેની કિંમત વધારે છે. તે તેને ભાઈ સમાન માને છે અને ભાઈને ક્યારેય વેચી શકાય નહીં. અનમોલ તેના પરિવારનો એક ભાગ છે તેથી તે તેને ક્યારેય વેચશે નહીં. તે માત્ર કિંમતી વીર્ય વેચે છે જેથી તે ભેંસની નસલ સુધારી શકે.

પલવિંદરે જણાવ્યું કે, પુષ્કર મેળામાં અનેક પ્રજાતિના પ્રાણીઓ આવ્યા છે પરંતુ મેળામાં આકર્ષણનું કેન્દ્ર તેમનો અનમોલ બન્યો છે. મોટી સંખ્યામાં લોકો તેને જોવા આવી રહ્યા છે અને તેની સાથે ફોટો પડાવી રહ્યા છે.