1989- સિક્કિમ કેડરના ભારતીય વહીવટી સેવા (IAS) અધિકારી ગોવિંદ મોહનને આગામી કેન્દ્રીય ગૃહ સચિવ તરીકે નિયુક્ત કરવામાં આવ્યા. કેબિનેટની નિમણૂક સમિતિએ બુધવારે નામની પુષ્ટિ કરી છે. મોહન આસામ-મેઘાલય કેડરના 1984 બેચના IAS અધિકારી અજય કુમાર ભલ્લાનું સ્થાન લેશે. તમને જણાવી દઈએ કે અજયને ઓગસ્ટ 2019માં કેન્દ્રીય ગૃહ સચિવ નિયુક્ત કરવામાં આવ્યા હતા અને તેઓ લગભગ અડધા દાયકા સુધી આ પદ પર રહ્યા હતા.

ગોવિંદ મોહનને આગામી કેન્દ્રીય ગૃહ સચિવ તરીકે નિયુક્ત કરવામાં આવ્યા છે. કેબિનેટની નિમણૂક સમિતિ (ACC) એ બુધવારે મોહનના નામની પુષ્ટિ કરી હતી. ગોવિંદ મોહન આસામ-મેઘાલય કેડરના 1984 બેચના IAS અધિકારી અજય કુમાર ભલ્લાનું સ્થાન લેશે.

મોહન 1989-સિક્કિમ કેડરના ભારતીય વહીવટી સેવા (IAS) અધિકારી છે. તમને જણાવી દઈએ કે જમ્મુ-કાશ્મીરમાં આગામી દિવસોમાં યોજાનારી વિધાનસભા ચૂંટણીને ધ્યાનમાં રાખીને મોહનની નિમણૂક વધુ મહત્વ ધરાવે છે.

કોણ છે ગોવિંદ મોહન?

મોહને BHU-IIT વારાણસીમાંથી ઇલેક્ટ્રિકલ એન્જિનિયરિંગ કર્યું છે. તેઓ ઓક્ટોબર 2021 થી કેન્દ્રીય સંસ્કૃતિ સચિવ તરીકે સેવા આપી છે. આ પહેલા તેઓ ગૃહ મંત્રાલય (MHA)માં બે વખત કામ કરી ચૂક્યા છે. મૂળ ઉત્તર પ્રદેશના વતની મોહન ઓગસ્ટ 2017થી કેન્દ્રીય પ્રતિનિયુક્તિ પર છે. તેમણે મે થી સપ્ટેમ્બર 2018 સુધી ગૃહ મંત્રાલયમાં સંયુક્ત સચિવ અને સપ્ટેમ્બર 2018 થી સપ્ટેમ્બર 2021 સુધી અધિક સચિવ તરીકે સેવા આપી છે.