રાજકોટ મહાપાલિકાની ટેકસ બ્રાન્ચ દ્રારા વાર્ષિક .૪૧૦ કરોડની મિલકત વેરા વસૂલાતનો લયાંક પૂર્ણ કરવા માટે આજે હાથ ધરાયેલી રિકવરી ડ્રાઈવ અંતર્ગત ૧૫૦ ફટ રીંગ રોડ ઉપર ધ સ્પાયર કોમ્પ્લેકસ, ચૌધરી હાઇસ્કુલ ચોક નજીક આવેલા ઉમેશ કોમ્પલેક્ષ તેમજ કાલાવડ રોડ ઉપર આવેલ ચિત્રકૂટ ધામ સોસાયટીમાં આવેલા નવકાર એપાર્ટમેન્ટ સહિતના સ્થળોએ દુકાનો અને ઓફિસો સહિત કુલ ૧૬ મિલકતો સીલ કરી ૪૧ લાખની રિકવરી કરવામાં આવી હતી. આ ઉપરાંત કાલાવડ રોડ ઉપર વોર્ડ નં.૧૦માં આવેલા જલારામ યોત એપાર્ટમેન્ટમાં ત્રણ દુકાનો સીલ કરાઈ હતી. યારે સોની બજારમાં મિલકતવેરાના ભાગીદારોની મિલકતો સીલ થાય તે પૂર્વે જ તેમણે પૂરેપૂરી રકમનો વેરો ચૂકતે કરી દીધો હતો.
ઉપરોકત કાર્યવાહી નાયબ કમિશ્નર સી.કે.નંદાણી તથા આસી.કમિશ્નરશ્રી સમીર ધડુક, સેન્ટ્રલ ઝોન મેનેજર વત્સલ પટેલ ,સિદ્ધાર્થ પંડા ,ભાવેશ પુરોહિત,વેસ્ટ ઝોન મેનેજર મયુર ખીમસુરીયા,ફાલ્ગુની કલ્યાણી ,ઇસ્ટ ઝોન મેનેજરશ્રી નીલેશ કાનાણી, ગૌરવ ઠક્કર સહિતના સ્ટાફ દ્રારા કરવામાં આવી હતી. દરમિયાન આજે બપોરે આ લખાય છે ત્યારે પણ રિકવરી ડ્રાઈવ અને સીલીંગ ઝુંબેશ ચાલુ છે