રશિયા અને યુક્રેન વચ્ચે ચાલી રહેલ યુદ્ધ ઘણા ભારતીયો માટે કાળ બની ગયો છે. હકીકતમાં રશિયન સેનામાં જોડાતા અને યુક્રેન સામે લડતા 12 ભારતીયોએ પોતાનો જીવ ગુમાવ્યો છે. આ ઉપરાંત 16 લોકો ગુમ છે. આ માહિતી ભારતીય વિદેશ મંત્રાલય દ્વારા આપવામાં આવી છે. વિદેશ મંત્રાલયે જણાવ્યું હતું કે 18 અન્ય લોકો હજુ પણ સૈન્યમાં સેવા આપી રહ્યા છે.

રશિયા અને યુક્રેન વચ્ચે ચાલી રહેલ યુદ્ધ ઘણા ભારતીયો માટે કાળ બની ગયો છે. હકીકતમાં રશિયન સેનામાં જોડાતા અને યુક્રેન સામે લડતા 12 ભારતીયોએ પોતાનો જીવ ગુમાવ્યો છે. આ ઉપરાંત 16 લોકો ગુમ છે. શુક્રવારે ભારતીય વિદેશ મંત્રાલયે આ માહિતી આપી હતી.

વિદેશ મંત્રાલયે શું કહ્યું?

ભારતીય વિદેશ મંત્રાલયે શુક્રવારે કહ્યું હતું કે રશિયાએ ભારતને જાણ કરી છે કે રશિયન સેનામાં સેવા આપતા 16 ભારતીયો ગુમ છે. વિદેશ મંત્રાલયે જણાવ્યું હતું કે રશિયન સેનામાં કામ કરતા 12 ભારતીયોના અત્યાર સુધીમાં મૃત્યુ થયા છે. આ બાબતે વિદેશ મંત્રાલયના પ્રવક્તા રણધીર જયસ્વાલે જણાવ્યું હતું કે, "રશિયન સેનામાં સેવા આપતા ભારતીય નાગરિકોના 126 કેસ નોંધાયા છે. આ 126 કેસમાંથી 96 લોકો ભારત પાછા ફર્યા છે અને તેમને રશિયન સશસ્ત્ર દળોમાંથી રજા આપવામાં આવી છે."

રણધીર જયસ્વાલે જણાવ્યું હતું કે રશિયન સેનામાં અઢાર ભારતીય નાગરિકો બાકી છે અને તેમાંથી 16 ગુમ છે. તેમણે કહ્યું કે રશિયન પક્ષે તેમને ગુમ થયેલા તરીકે વર્ગીકૃત કર્યા છે, અમે બાકી રહેલા લોકોને વહેલી તકે મુક્ત કરવા અને સ્વદેશ પરત મોકલવાની માંગ કરી રહ્યા છીએ.