એટીએમ સેન્ટર પર મદદરૂપ થવાના બહાને છેતરપિંડીથી નાણાં ઉપાડી લેનાર બેલડીને ભકિતનગર પોલીસે તાજેતરમાં ઝડપી લીધા બાદ પણ આવા બનાવો અટકવાનું નામ લેતા નથી.ત્યારે આ પ્રકારની છેતરપિંડીનો વધુ એક બનાવ સામે આવ્યો છે.
શહેરના આજીડેમ ચોકડી પાસેના વિસ્તારમાં રહેતો નર્સીંગનો વિદ્યાર્થી જવાહર રોડ પર એટીએમ સેન્ટર પર નાણાં ઉપડવા ગયો હતો.ત્યાર મદદના બહાને તેનું કાર્ડ બદલી તેની સાથે રૂ.1.44 લાખની છેતરપિંડી કરવામાં આવી હતી.જે અંગે એ ડિવિઝન પોલીસ મથકમાં ફરિયાદ કરવામાં આવી છે.
બનાવની જાણવા મળતી વિગતો મુજબ,માંડા ડુુંગર પાસે તિરૂમાલા પાર્કમાં રહેતા જય નારણભાઇ કટારા(ઉ.વ 19) નામના નર્સીંગના વિદ્યાર્થીએ નોંધાવેલી પોલીસ ફરિયાદમાં જણાવ્યું હતું કે, ગત તા. 29/1 ના રોજ તે તેના મામાની દિકરીનું બીઓબી બેંકનું એટીએમ કાર્ડ લઇ રૂપિયા ઉપડવા માટે જવાહર રોડ પર આવેલી જીમખાના બ્રાન્ચના એસ.બી.આઇ એટીએમ સેન્ટર પર ગયો હતો.
યુવાન અહીં એટીએમ કાર્ડ થકી નાણાં ઉપડવાની પ્રોસેસ કરતો હતો ત્યારે બાજુમાં ઉભેલા અજાણ્યા શખસે તેના પીન નંબર જાણી લીધા હતાં.બાદમાં આ શખસે મદદના બહાને યુવાન પાસે આવી તેની સાથે વાતો કરી તેનું એટીએમ કાર્ડ બદલાવી લીધું હતું.ત્યાર બાદ આ શખસે ફરિયાદીના કાર્ડમાંથી કટકે કટકે કરી કુલ રૂ.1,43,900 ઉપાડી લીધા હતાં.
જે અંગેની જાણ યુવાનને થયા બાદ તેણે આ અંગે પ્રથમ અરજી આપ્યા બાદ આ પોલીસ ફરિયાદ નોંધાવી છે.યુવાનની ફરિયાદ પરથી પોલીસે આઇપીસીની કલમ 420 મુજબ ગુનો નોંધી છેતરપિંડી કરનાર અજાણ્યા શખસને ઝડપી લેવા તપાસ હાથ ધરી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationમોદી સરકાર નક્સલવાદ સામે મોટા ઓપરેશનની કરી રહી છે તૈયારી, અમિત શાહ દિલ્હીમાં બનાવશે માસ્ટર પ્લાન
October 05, 2024 08:16 PMએક સાથે પંદર હોમગાર્ડઝ સભ્યોને ફરજ મોકૂફ અને એક સભ્યને બરતરફ કરતાં જામનગર જિલ્લા હોમગાર્ડઝ કમાન્ડન્ટ
October 05, 2024 06:52 PMજામનગરમાં અતિવૃષ્ટિમાં થયેલ નુકશાન બાદ વળતર મુદ્દે પ્રાંત અધિકારીએ આપી પ્રતિક્રિયા
October 05, 2024 06:47 PMકોણ છે અનંત અંબાણીના સાઢુભાઈ? લાઈમલાઈટથી દૂર, ફેશન ઈન્ડસ્ટ્રીનું મોટું નામ
October 05, 2024 06:06 PMCopyright © 2023-2024 Aajkaal Daily
Developed by Rhythm Infotech