સોશિયલ મીડિયાના યુગમાં, ઇમોજી આપણા રોજિંદા સંદેશાવ્યવહારનો આવશ્યક ભાગ બની ગયા છે. ભલે આપણે ઈન્સ્ટાગ્રામ, વોટ્સએપ, ટ્વિટર અથવા અન્ય પ્લેટફોર્મનો ઉપયોગ કરતા હોઈએ, ઈમોજીએ લાગણીઓ વ્યક્ત કરવા, અભિવ્યક્તિ વધારવા અને સંદેશામાં આનંદ ઉમેરવા માટે યુઝર્સના ફેવરીટ બન્યા છે. આ નાના ડિજિટલ સિમ્બોલએ ભાષાના અવરોધોને પાર કર્યા છે.

કેટલીકવાર એવી કેટલીક વસ્તુઓ હોય છે જે આ ઈમોજીસના કારણે આપણે એકબીજાને સરળતાથી કહી શકીએ છીએ અને તેથી જ આજે આખી દુનિયામાં ઓનલાઈન ચેટિંગમાં આ ઈમોજીસનો ઉપયોગ વધુને વધુ થઈ રહ્યો છે. એક રીતે જોઈએ તો આજે આપણને ઈમોજીની આદત પડી ગઈ છે, કારણ કે આજે ઘણા ક્યૂટ અને ફની ઈમોજી આવી ગયા છે.

દર વર્ષે 17 જુલાઈને 'વર્લ્ડ ઈમોજી ડે' તરીકે ઉજવવામાં આવે છે. આ વર્ષે, 17 જુલાઈ, 2023 ના રોજ દસમો વિશ્વ ઇમોજી દિવસ ઉજવવામાં આવી રહ્યો છે. આ દિવસ આંતરરાષ્ટ્રીય સ્તરે ઇમોજીના મહત્વની ઉજવણી અને પ્રોત્સાહન આપવા માટે સમર્પિત છે. આ દિવસે, ખાસ ઇમોજી સંગ્રહ પણ બહાર પાડવામાં આવે છે જેનો ઉપયોગ લોકો તેમના સંદેશામાં નવા ઇમોજી ઉમેરવા માટે કરી શકે છે.

દર વર્ષે વર્લ્ડ ઇમોજી ડેની એક અનોખી થીમ હોય છે, જે લોકોનો ઉત્સાહ વધારે છે. આ વર્ષે વર્લ્ડ ઇમોજી ડે 2023 ની થીમ "ઇમોજીસ: એક્સપ્રેસ યોર સેલ્ફ" છે. આ થીમ લોકોને ઇમોજી દ્વારા તેમના વિચારો, લાગણીઓ અને સર્જનાત્મકતા વ્યક્ત કરવા પ્રોત્સાહિત કરે છે.

ઈમોજી ડે દર વર્ષે 17 જુલાઈના રોજ ઉજવવામાં આવે છે. ઇમોજીની વધતી જતી લોકપ્રિયતાની ઉજવણી કરવા ઇમોજીપીડિયાના સ્થાપક જેરેમી બર્જ દ્વારા 2014માં વર્લ્ડ ઇમોજી દિવસની સ્થાપના કરવામાં આવી હતી. 17 જુલાઇને વિશ્વ ઇમોજી દિવસ તરીકે પસંદ કરવામાં આવ્યો હતો કારણ કે આ તારીખ "કેલેન્ડર" ઇમોજી પર દેખાય છે, જેનો વ્યાપકપણે ઉપયોગ થાય છે.

"ઇમોજી" જાપાની શબ્દ "ઇ" એટલે કે ચિત્ર અને "મોજી" એટલે કે પાત્ર પરથી ઉતરી આવ્યો છે. પ્રથમ ઇમોજી 1999માં જાપાની એન્જિનિયર દ્વારા વિકસાવવામાં આવ્યું હતું. શિગેતાકા કુરીકા તે સમયે જાપાની ટેલિકોમ કંપની NTT DoCoMoમાં કામ કરતી હતી. તે પછી, તેણે આઇ-મોડ નામની મોબાઇલ-સંકલિત સેવાના પ્રકાશન માટે 176 ઇમોજી બનાવ્યા હતા.