આજે રાજ્યના આઈપીએસ કેડરના અધિકારીઓની બદલી કરવામાં આવી છે. જે અંતર્ગત વડોદરાના પોલીસ કમિશ્નરની પણ બદલીના આદેશ આપવામાં આવ્યા છે. વડોદરાના નવા પોલીસ કમિશ્નર તરીકે ડો શમશેર સિંઘ ચાર્જ સંભાળશે. તેઓ ગાંધીનગર ખાતે ટેકનીકલ સર્વિસીસ એન્ડ S.C.R.B. વિભાગના એડીજી તરીકે ફરજ બજાવતા હતા. 
 

ઓગસ્ટ 2020માં જ વડોદરાના પોલીસ કમિશ્નર તરીકે નિયુક્ત થયેલા રાજેન્દ્ર બ્રહ્મભટ્ટની ફરી એકવાર બદલી થઈ છે. હવે તેમને પોલીસ ઈન્ક્વારી વિભાગના એડીજી તરીકે ગાંધીનગર ખાતે બદલી આપવામાં આવી છે. આ સાથે તેઓ માનવ અધિકાર વિભાગનો વધારાનો ચાર્જ પણ સંભાળશે. 

ગાંધીનગર ખાતેથી એડિશન ડિરેક્ટર જનરલ ઓફ પોલીસ ( ઈન્ક્વાયરી ) વિભાગના બ્રજેશ કુમાર ઝાનો ચાર્જ તેમને સોંપવામાં આવ્યો છે. આ ઉપરાંત તેઓ માનવ અધિકાર વિભાગના એડીજી તરીકે વધારાનો ચાર્જ સંભાળશે. 

વડોદરાના પોલીસ કમિશ્નર તરીકે ડો શમશેર સિંહ રાજેન્દ્ર બ્રહ્મભટ્ટની ગાંધીનગર ખાતે બદલી : પોલીસ ઈન્ક્વારી વિભાગના એડીજી તરીકે ગાંધીનગર ખાતે બદલી, માનવ અધિકાર વિભાગનો વધારાનો ચાર્જ પણ સંભાળશે