જામનગર: બેડેશ્ર્વરમાં બે યુવાન પર હુમલો : કાર અને બાઇકમાં નુકશાન કર્યુ

જામનગરના પવનચકકી સર્કલ પાસે વિદેશી દારૂની બોટલ લઇને નીકળેલા સાધના કોલોનીના બે શખ્સને પકડી લેવામાં આવ્યા હતા જયારે બાવરીવાસમાં દેશી દારુ અંગે દરોડો પાડવામાં આવ્યો હતો અને વામ્બે આવાસ રોડ પર એક શખ્સ રીક્ષા મુકીને ભાગી ગયો હતો જેની તલાશી લેતા અંદરથી ૧૦૦ લીટર દેશી દારુ મળી આવ્યો હતો.

જામનગરના સાધના કોલોની એ વીંગમાં રહેતા ભૌતીક અશોક સોલંકી અને સાધના કોલોની એ વીંગમાં રહેતા મેહુલ નરભેરામ જોગરા નામના બે શખ્સોને પવનચકકી સર્કલ પાસેથી ઇંગ્લીશ દારૂની એક બોટલ લઇને નીકળતા સીટી-એ પોલીસે દબોચી લીધા હતા.

આ ઉપરાંત શહેરના ખુલ્લી ફાટક પાસે બાવરીવાસમાં રહેતી રામપ્યારી જુગ્નુ સોલંકીના ઝુપડે સીટી-સી પોલીસે દરોડો પાડી ૩ લીટર દેશી દારુ, ભઠ્ઠીના સાધનો અને ૪૦ લીટર આથો મળી આવ્યો હતો તેમજ વામ્બે આવાસ રોડ પર રીક્ષા નં. જીજે૩૬ડબલ્યુ-૦૭૦૩માંથી ૧૦૦ લીટર દેશી દારુ મળી આવતા આ મામલે સીટી-સી ડીવીઝન પોલીસ દ્વારા ફરાર રીક્ષા ચાલક સામે ફરીયાદ કરવામાં આવી છે. ૨૦ હજારની કિંમતનો દારુ અને ૩૦ હજારની કિંમતની રીક્ષા જપ્ત કરી હતી.

​​​​​​​