ગીર સોમનાથ જિલ્લામાં અકસ્માતની ભયાનક ઘટના બની હતી. આ ગમખ્વાર અકસ્માતમાં કારમાં સવાર 3 યુવકોના મોત થયા છે. જ્યારે એક યુવક ગંભીર રીતે ઈજાગ્રસ્ત છે. સોમનાથ-ઉના હાઇવે પર ભયાનક અકસ્માતની ઘટના બની હતી. ઊના તરફથી આવતી કાર ઉછળીને ટ્રક સાથે ધડાકાભેર અથડાઈ હતી. કારમાં ચાર યુવકો સવાર હતા. જેમાંથી ત્રણ યુવકોના મોત થયા છે. કોડીનારના ડોળાસા નજીક દુર્ઘટના બની હતી. યુવાનોના મૃતદેહો કારના પતરા તોડી બહાર કાઢવામાં આવ્યા હતા.

આ ભયાનક અસ્માતની ઘટના ઉના સોમનાથ હાઈવે પર કોડિનારના ડોળાસા નજીક બની હતી. ઈજાગ્રસ્ત યુવકને સારવાર માટે કોડીનારની રાનાવળા હોસ્પિટલ ખસેડાયા હતા. ઈજાગ્રસ્તને 108ની મદદથી હોસ્પિટલ ખસેડાયા હતા. આ અકસ્માતની ઘટના એટલી ગમખ્વાર હતી કે, સફેદ કલરની સ્વિફ્ટ કારનો કચ્ચરઘાણ વળી ગયો હતો. કારના પતરા કાપીને યુવકોને બહાર કાઢવામાં આવ્યા હતા. આ અકસ્માતના પગલે બનાવના સ્થળ પર લોકોના ટોળા ઉમટી પડ્યા હતા. અકસ્માત બાદ 108 પણ સ્થળ પર પહોંચી હતી.                

અકસ્માતને પગલે હાઇવે પર ટ્રાફિકજામ થયો
અકસ્માતની જાણ થતાં સ્થાનિક પોલીસની ટીમ સ્થળે પહોંચી હતી. પોલીસે ત્રણેય યુવકનાં મૃતદેહને પીએમ અર્થે મોકલીને યુવકોની ઓળખ સહિતની કાર્યવાહી હાથ ધરી છે. રાતનાં સમયે હાઇવે પર અકસ્માત થતાં સ્થાનિક લોકોની ભીડ ભેગી થઈ હતી, જેનાં કારણે ટ્રાફિકની સમસ્યા સર્જાઈ હતી. પોલીસે લોકોને ખસેડી રસ્તો ખુલ્લો કરાવ્યો હતો.