ટોક્યો પેરાઓલિમ્પિકનો કાલથી પ્રારંભ, આ ખેલાડીઓથી દેશને મેડલની ઉમ્મીદ  

  • August 23, 2021 02:20 PM 
Aajkaal Daily (Desh Pardesh Ni Aajkaal)

ટોક્યો ઓલિમ્પિક્સમાં ભારતીય ખેલાડીઓએ મેડલ જીતી દેશને વિશ્વ લેવલે એક અનોખું સન્માન અપાવ્યું. હવે સમગ્ર દેશની નજર કાલથી શરૂ થતી પેરાઓલિમ્પિક પર છે. બે વખતના પેરાઓલિમ્પિક ગોલ્ડ મેડલ વિજેતા દેવેન્દ્ર ઝાઝરીયા આ વખતે પણ મેડલ માટે પ્રબળ દાવેદાર રહેશે. તેણે ગયા મહિને રિયો પેરાઓલિમ્પિકમાં 63.97 મીટરનો વિશ્વ રેકોર્ડ તોડીને ટોક્યો પેરાઓલિમ્પિક માટે ક્વોલિફાય કર્યું હતું. તે જેવલિન થ્રોની F46 કેટેગરીમાં સ્પર્ધા કરશે. 40 વર્ષીય દેવેન્દ્ર માત્ર ગોલ્ડ જીતવાની જ નહીં પણ વિશ્વ રેકોર્ડ તોડવાની આશા રાખે છે.

 

ભારતની પેરા રાઇફલ શૂટર અવની લેખારા મહિલા SH1 કેટેગરીમાં ભાગ લે છે. તેણે વર્ષ 2015માં શૂટિંગ શરૂ કર્યું હતું અને આજે તે વિશ્વમાં પાંચમાં નંબર પર છે. તેણીએ વર્ષ 2017 માં આંતરરાષ્ટ્રીય પદાર્પણ કર્યું હતું, અને ત્યારથી સતત પોતાને સાબિત કરી રહી છે. તેણે આ વર્ષે માર્ચમાં યોજાયેલા પેરા શૂટિંગ વર્લ્ડ કપમાં પણ સિલ્વર મેડલ જીત્યો હતો.

 

આ વખતે પ્રમોદ ભગત ટોક્યો પેરાઓલિમ્પિક્સમાં ભાગ લેવા જઈ રહ્યા છે. પેરાઓલિમ્પિક ગેમ્સમાં પ્રથમ વખત બેડમિન્ટનનો સમાવેશ કરવામાં આવ્યો હતો. ઓડિશાનો રહેવાસી પ્રમોદ પુરુષોની SL3 સિંગલ્સ કેટેગરીમાં ભાગ લે છે અને વિશ્વમાં નંબર વન પર છે. તેણે ઘણી વિશ્વ ચેમ્પિયનશિપની સિંગલ્સ અને ડબલ્સ કેટેગરીમાં ભાગ લીધો છે. આ વખતે ટોક્યોમાં, તે બેડમિન્ટનમાં દેશ માટે પોતાનો પ્રથમ મેડલ લાવવાનો દાવેદાર છે.

 

મહારાષ્ટ્રના પેરા સ્વિમર સુયશ યાદવ આ વખતે દેશ માટે મેડલ લાવવા માટે પ્રબળ દાવેદાર રહેશે. ભારતે 1972 માં મુરલીકાંત પેટકર બાદ પેરાઓલિમ્પિક ગેમ્સમાં સ્વિમિંગમાં મેડલ જીત્યો નથી. સુયશે પુરુષોની S7 બટરફ્લાય અને 200 મીટર વ્યક્તિગત મેડલી માટે ક્વોલિફાય કર્યું છે. તે 50 મીટર બટરફ્લાયમાં એશિયન ચેમ્પિયન છે અને ટોક્યો પેરાઓલિમ્પિક્સમાં મેડલનો દાવેદાર પણ બનશે.

 

મરીયપ્પન થંગાવેલુ, જેમને ટોક્યો પેરાઓલિમ્પિક્સમાં ધ્વજવાહક બનાવવામાં આવ્યા છે. તેઓ સતત બીજા પેરાઓલિમ્પિક ગોલ્ડ મેડલ જીતવાનું લક્ષ્ય રાખશે. મરિયોપ્પને રિયો પેરાઓલિમ્પિક્સમાં હાઈ જમ્પની T42 કેટેગરીમાં ગોલ્ડ મેડલ જીત્યો હતો. વર્ષ 2019 માં યોજાયેલી પેરા એથ્લેટિક્સ વર્લ્ડ ચેમ્પિયનશિપમાં બ્રોન્ઝ જીતીને, તેણે આ વખતે પણ પોતાને ગોલ્ડ દાવેદાર સાબિત કર્યો છે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS
Aajkaal Daily (Desh Pardesh Ni Aajkaal)
Covid amongst kids
  • May 10, 2021