ગઢડા ના માંડવા - ઢસા વચ્ચે કાળ રસ્તો કાપતા

રાજકોટ ડેપ્યુટી કલેકટર ચરણસિંહના પરિવાર સાથે સર્જાયેલ દુર્ઘટનાથી અરેરાટી 

ગઢડા(સ્વામિના) તાલુકાના ઢસા નજીક માંડવા - ઢસા રોડ ઉપર ગમખ્વાર અકસ્માત સર્જાતા એક જ પરિવારના ત્રણ સદસ્યોના  મોતની ઘટનાથી અરેરાટી પ્રસરી ગઈ હતી.

મળતી વિગત અનુસાર રાજકોટમાં ડેપ્યુટી કલેકટર તરીકે ફરજ બજાવતા ચરણસિંહ ગોહિલ ના  પત્ની અને પુત્રી બંને પોતાના પિયર મોસાળ પાલિતાણા તાલુકાના મોખડકા ગામે હતા. જેથી બહેન અને ભાણેજને મુકવા માટે ભાઈ ધનજયસિંહ ચુડાસમા  રાજકોટ જઈ રહ્યા હતા ત્યારે આ જીવલેણ અકસ્માત સર્જાયો. આ અકસ્માતમાં ધનંજયસિંહ રણજીતસિંહ ચુડાસમા( ઉં.વ.21 ગામ મોખડકા), ચેતનાબેન ચરણસિંહ ગોહિલ( ઉં.વ.29) અને ગરીમા ચરણસિંહ ગોહિલ (ઉ.વ.5) ના મોત નીપજ્યાં હતાં.

અકસ્માતની ઘટના બનતા અન્ય વાહન ચાલકો અને આસપાસથી લોકો દોડી આવેલ . અકસ્માતના પગલે હાઈવે પર ટ્રાફીક જામ સર્જાતા પોલીસે ઘટના સ્થળે દોડી જઈને ટ્રાફીક જામને હળવો કરી જરૂરી કાર્યવાહી કરી તમામ મૃતદેહને પીએમ અર્થે ગઢડા હોસ્પિટલ ખસેડેલ જયાં ગઢડા મામલતદાર, ગઢડા પીએસઆઈ, અન્ય ડેપ્યુટી કલેકટરો, તેમજ રાજકીય આગેવાનો સહિત મોટી સંખ્યામાં લોકો દોડી આવ્યા હતા.