સ્પોટ ફિક્સિંગ માટે આજીવન પ્રતિબંધ ની સજા ભોગવી  રહેલા પાકિસ્તાનના લેગ સ્પિનર દાનિશ કનેરિયા આંતરરાષ્ટ્રીય ક્રિકેટ પરિષદ'ના આગામી ચેરમેન બનવા માટે રવિવારે સૌરવ ગાંગુલીને સમર્થન કર્યું હતું અને તેને જણાવ્યું હતું કે તેઓ પૂર્વ ભારતીય કપ્તાન આઇસીસીના ટોચના પદ પર પસંદ કરવામાં આવે તો તેમને પોતાના નામ પર લાગેલો દાગ સાફ કરવાની આશા છે.

એક ક્રિકેટર વેબસાઇટ સાથે વાતચીત દરમિયાન કનેરીયાએ આવું જણાવ્યું હતું કે છેલ્લા કેટલાક સમયથી તેઓ આ બાબતમાં લડાઈ લડી રહ્યા છે આ માટે તેઓને આશા બંધાઈ છે કે જો ગાંગુલી આ હોદ્દા પર આવશે તો તેમના વિશે જરૂર વિચારણા કરશે અને તેઓના નામ પર લાગેલો કલંક દુર કરવામાં તેમની મદદ કરશે અને પોતે ક્રિકેટને કશું પરત આપી શકે.

દાનિશ એ આગળ જણાવ્યું હતું કે આઈસીસીના ચેરમેન તરીકે પસંદગી કરવામાં આવશે તો તે નો અવાજ ગાંગુલી બની શકશે અને વિશ્વભરમાં ક્રિકેટરોની જે સમસ્યા છે તે નિવારવામાં ગાંગુલી લોકોની વાત સાંભળી ને ન્યાય અપાવી શકે છે.

વિશ્વભરનાં તમામ ક્રિકેટરો માટે આઈસીસીના ચેરમેન પદ માટે ગાંગુલી પ્રથમ પસંદગી હોવાનું માનવામાં આવે છે.