આ વખતે ભારત G-20 કોન્ફરન્સનું આયોજન કરી રહ્યું છે. દેશની રાજધાની નવી દિલ્હીમાં 9 અને 10 સપ્ટેમ્બરે G-20 સંમેલન યોજાવા જઈ રહ્યું છે, જેમાં સભ્ય દેશોના ઘણા વૈશ્વિક નેતાઓ ભાગ લેશે. આ 18મી જી-20 સમિટ છે, જેનું ભારત પ્રથમ વખત આયોજન કરી રહ્યું છે. આ વર્ષે કોન્ફરન્સની થીમ વસુધૈવ કુટુંબકમ અને વન અર્થ, વન ફેમેલી, વન ફ્યુચર રાખવામાં આવી છે. આવતા મહિને દિલ્હીમાં યોજાનારી આ કોન્ફરન્સને લઈને યુદ્ધના ધોરણે તૈયારીઓ ચાલી રહી છે. આ ક્રમમાં 8 અને 10 સપ્ટેમ્બરે દિલ્હીમાં તમામ કેન્દ્ર સરકારની ઓફિસો, બેંકો અને નાણાકીય સંસ્થાઓ બંધ રહેશે. સામાન્ય વહીવટ વિભાગ (GAD) આ દરમિયાન તમામ શૈક્ષણિક સંસ્થાઓ, સરકારી અને બિનસરકારી કચેરીઓ પણ બંધ રહેશે.
G20 એ 19 દેશો અને યુરોપિયન યુનિયન સહિત વિશ્વની 20 મોટી અર્થવ્યવસ્થાઓના મંત્રીઓ અને કેન્દ્રીય બેંક ગવર્નરોનું સંગઠન છે. G-20 ગ્રુપ Cની સ્થાપના 1999માં થઈ હતી. તે સમયે, આ ગ્રુપમાં આર્જેન્ટિના, ઓસ્ટ્રેલિયા, બ્રાઝિલ, કેનેડા, ચીન, ફ્રાન્સ, જર્મની, ભારત, ઇન્ડોનેશિયા, ઇટાલી, જાપાન, કોરિયા, મેક્સિકો, રશિયા, સાઉદી અરેબિયા, દક્ષિણ આફ્રિકા, તુર્કી, યુકે, યુએસ અને ઇયુનો સમાવેશ થતો હતો.
અમેરિકન રાષ્ટ્રપતિ જો બિડેન કોન્ફરન્સમાં ભાગ લેવા માટે 7 સપ્ટેમ્બરે ભારત આવશે અને 10 સપ્ટેમ્બર સુધી અહીં રહેશે. આ દરમિયાન તેઓ G-20 ગ્રુપના અન્ય સહયોગીઓ સાથે સ્વચ્છ ઊર્જા અને જળવાયુ પરિવર્તન જેવા વૈશ્વિક મુદ્દાઓ પર વાત કરશે. UKના વડાપ્રધાન ઋષિ સુનક પણ G-20 કોન્ફરન્સમાં ભાગ લેવા ભારત આવશે. રિપોર્ટ અનુસાર, યુકે-ભારત વેપાર કરાર સિવાય સુનક અન્ય દ્વિપક્ષીય મુદ્દાઓ પર વડાપ્રધાન નરેન્દ્ર મોદી સાથે વાત કરશે.
દક્ષિણ કોરિયાના રાષ્ટ્રપતિ યૂન સુક યેઓલ પણ G-20 સંમેલનમાં ભાગ લેશે. આ વાતની પુષ્ટિ કરતા ભારતમાં કોરિયાના રાજદૂતે કહ્યું કે અમારા રાષ્ટ્રપતિ જી-20 બેઠકમાં ભાગ લેવા ભારત આવી રહ્યા છે. ફ્રાંસના રાષ્ટ્રપતિ ઈમેન્યુઅલ મેક્રોન પણ જી-20 સંમેલનમાં ભાગ લેશે. એક રિપોર્ટ અનુસાર, મેક્રોન નવી દિલ્હીમાં ક્લેરિજ હોટલમાં રોકાશે. ચીનના રાષ્ટ્રપતિ શી જિનપિંગ પણ કોન્ફરન્સમાં ભાગ લેવા ભારત આવશે. સુત્રો મુજબ ચીનના રાષ્ટ્રપતિ સાથે 46 વાહનો આવશે.
કેનેડાના વડાપ્રધાન જસ્ટિન ટ્રુડોના ભારત પ્રવાસના કાર્યક્રમની પણ પુષ્ટિ થઈ ગઈ છે. તેઓ જી-20 બેઠકમાં ભાગ લેશે. ટ્રુડોએ અગાઉ કહ્યું હતું કે તેઓ G-20 કોન્ફરન્સમાં ભાગ લેશે અને યુક્રેન સાથે સહયોગ કરવા પ્રયાસ કરશે. કોન્ફરન્સમાં ભાગ લેવા કેનેડા ઉપરાંત બાંગ્લાદેશ, ઓસ્ટ્રેલિયા અને રશિયાના નેતાઓ પણ ભારત આવશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઆસામમાં પૂરને કારણે હાહાકાર, 58 લોકોએ ગુમાવ્યા જીવ, હજારો લોકોના ઘર પાણીમાં ડૂબ્યા
July 07, 2024 04:39 PMKulgam Encounter: સુરક્ષા દળોનું મોટું ઓપરેશન, અત્યાર સુધીમાં છ આતંકીઓનો ખાત્મો
July 07, 2024 04:37 PMરાજકોટ : ભીલવાસ નજીક ઇગલ પેટ્રોલ પંપે રાત્રીના માથાભારે શખ્સે ફિલરમેનને છરીના ઘા ઝીંક્યા
July 07, 2024 03:50 PMજામકંડોરણામાં : અષાઢી બીજ નિમિત્તે રામજીની ભવ્ય રથયાત્રા, મોટી સંખ્યામાં ભક્તો જોડાયા
July 07, 2024 03:45 PMCopyright © 2023-2024 Aajkaal Daily
Developed by Rhythm Infotech