બાળકોને લગભગ દરેક વસ્તુ સાથે ટોમેટો સોસ કે કેચપ ખાવાનું ગમે છે. સામાન્ય રીતે લોકો 'ટોમેટો સૉસ' અને 'ટોમેટો કેચઅપ' શબ્દોને એક જ અર્થમાં લે છે, પરંતુ તેમની વચ્ચેનો તફાવત ભાગ્યે જ કોઈ જાણતું હશે. ઓનલાઈન પ્લેટફોર્મ પર આ અંગે જવાબ આપતા ઘણા લોકોએ પોતાનો મત રહું કર્યો છે. કોઈએ કહ્યું છે કે ટોમેટો સોસ કરતા અને કેચઅપ થિક છે તો કોઈએ તેનો ઈતિહાસ કહ્યો છે.


સામાન્ય રીતે, સમાન દેખાતા ટોમેટો સોસ અને કેચઅપ ફક્ત ટામેટાંમાંથી જ બનાવવામાં આવે છે, પરંતુ કેચઅપ અને સોસ વચ્ચે ઘણા તફાવત છે. કેચઅપ બનાવવા માટે, ફક્ત ટામેટાંનો ઉપયોગ કરવામાં આવે છે, જેમાં ખાંડ અને કેટલાક મીઠા અને ખાટા મસાલા ઉમેરીને ઘટ્ટ તૈયાર કરવામાં આવે છે. તેને બનાવવા માટે તેને ગરમ કરવાની જરૂર નથી. સોસ ટામેટાં ઉપરાંત અન્ય વસ્તુઓમાંથી પણ બનાવી શકાય છે. આમાં તેલનો પણ ઉપયોગ થાય છે. ટોમેટો કેચઅપમાં ૨૫ ટકા ખાંડ હોઈ શકે છે, જ્યારે ચટણીમાં ખાંડ નહીં પણ મસાલા ઉમેરવામાં આવે છે.

કેચઅપ એ ટેબલ સોસ છે જે ટામેટાંમાંથી બનેલા સોસનું આધુનિક સંસ્કરણ છે. બીજી બાજુ, સોસ થોડો વધુ પ્રવાહી હોય છે, જે ખોરાકમાં  સ્વાદ ઉમેરવા માટે ખોરાક સાથે પીરસવામાં આવે છે.