દેશના ઘણા ભાગોમાં આકરી ગરમી તેના રેકોર્ડ તોડી રહી છે. ઉનાળાની ઋતુ પણ પોતાની સાથે અનેક સમસ્યાઓ લઈને આવે છે. જેમ જેમ તાપમાન વધે છે તેમ તેમ  સ્વાસ્થ્ય સંબંધિત સમસ્યાઓની પરેશાની પણ વધે છે. તેમાં સૌથી સામાન્ય સમસ્યાઓ હીટ સ્ટ્રોક, ચક્કર, ડિહાઇડ્રેશન અને પાચન અસ્વસ્થતા છે.
​​​​​​​

ઉનાળામાં હીટ સ્ટ્રોક આવવો એ કોઈ મોટી વાત નથી. તેને હીટ સ્ટ્રોક અથવા સન સ્ટ્રોક પણ કહેવામાં આવે છે. હીટ સ્ટ્રોક ત્યારે થાય છે જ્યારે લાંબા સમય સુધી તડકામાં રહો છો અને શરીર તેના તાપમાનને નિયંત્રિત કરવામાં અસમર્થ હોય છે. આવું એટલે બને છે જયારે  શરીરનું તાપમાન ઝડપથી વધવા લાગે છે અને પરસેવો બહાર નથી આવતો. જેના કારણે શરીરની ગરમી બહાર નીકળી શકતી નથી. શરીરમાં પાણી ઘટી જાય છે અને બેભાન થઇ જાય છે.
 

હીટ સ્ટ્રોકથી બચવાના ઉપાયો

ડુંગળી

ડુંગળી ખાવી અને તેનો રસ પીવો બંને હીટ સ્ટ્રોક માટે રામબાણ છે. ખાસ કરીને ઉનાળામાં ડુંગળીને આહારમાં સામેલ કરવાની સલાહ આપવામાં આવે છે. હીટસ્ટ્રોકથી બચવા માટે કાચી ડુંગળી ખાવી એ અસરકારક ઉપાય છે. આ સિવાય તેનો જ્યુસ પણ પી શકાય છે. હીટ સ્ટ્રોકની સ્થિતિમાં ડુંગળીનો રસ હાથ અને પગના તળિયા પર લગાવવાથી શરીરનું તાપમાન ઓછું થાય છે.

બીલાનું શરબત

આયુર્વેદ અનુસાર ઉનાળામાં બિલાનો રસ પીવો ખૂબ જ ફાયદાકારક છે. વિટામિન સીની સાથે તેમાં ભરપૂર પ્રમાણમાં ફાઈબર હોય છે. તે પીવાથી હીટ સ્ટ્રોકથી રક્ષણ મળે છે અને પાચન સંબંધી સમસ્યાઓ પણ દૂર થાય છે.

ધાણા-ફૂદીનાનો રસ

જો હીટ સ્ટ્રોક લાગે તો કોથમીર અને ફુદીનાનો રસ પીવો જોઈએ. જે શરીરને ઠંડક આપે છે. જ્યુસ પીવા સિવાય કોથમીર અને ફુદીનાની ચટણી પણ બનાવી શકાય છે અને તેનો ઉપયોગ કરી શકાય છે.

વરિયાળીનું પાણી

જ્યારે હીટ સ્ટ્રોક લાગે ત્યારે વરિયાળીનું પાણી પીવું પણ ખૂબ જ ફાયદાકારક છે. વરિયાળીનું સેવન કરવાથી શરીરનું તાપમાન નિયંત્રિત રહે છે. એક ગ્લાસ પાણીમાં વરિયાળીને આખી રાત પલાળી રાખો અને સવારે આ પાણી પી લો.

લીંબુ પાણી

લીંબુ પાણી ઉનાળા માટે શ્રેષ્ઠ પીણું છે, જે હીટસ્ટ્રોકથી રક્ષણ આપે છે. વિટામિન સીથી ભરપૂર લીંબુ રોગપ્રતિકારક શક્તિ વધારવામાં મદદરૂપ છે. તેને પીતા જ શરીર સંપૂર્ણ રીતે તાજગી અનુભવે છે. લીંબુ પાણી ડિટોક્સિફિકેશનમાં પણ મદદ કરે છે.