દ્વારકામાં વેપારીની દુકાનમાંથી સાડા પાંચ લાખની રોકડની ચોરી

July 14, 2026 12:29 PM

દ્વારકામાં વેપારીની દુકાનમાંથી સાડા પાંચ લાખની રોકડની ચોરી

તસ્કરોને પકડી પાડવા સીસી ફુટેજની ચકાસણી : એફએસએલની લેવાતી મદદ

દ્વારકા તાલુકાના વરવાળા ગામના રહીશ એવા એક વેપારીની દુકાનમાંથી ગત શનિવારે રાત્રિના સમયે તસ્કરોએ ત્રાટકી, અહીં જુદા જુદા બે ખાનામાં રાખવામાં આવેલા સાડા પાંચ લાખની રોકડ રકમની ચોરી થયાનો બનાવ પ્રકાશમાં આવ્યો છે.

આ સમગ્ર પ્રકરણની પોલીસ દફતરે જાહેર થયેલી વિગત મુજબ દ્વારકા તાલુકાના વરવાળા ગામે રહેતા અને નજીકના ઓખા રોડ પર સરકારી આરોગ્ય કેન્દ્રની સામે ગોહેલ એન્જિનિયરિંગ નામની દુકાન ધરાવતા વિનોદભાઈ ભીમજીભાઈ ગોહેલ નામના ૩૮ વર્ષના પ્રજાપતિ યુવાન શનિવાર તા. ૧૧ ના રોજ રાત્રિના આશરે ૮:૩૦ વાગ્યાના સમયે પોતાની દુકાન બંધ કરી અને ઘરે ગયા હતા.

આ દુકાનમાં તેમણે તેમની હોટલના કામ ચાલી રહેલા કામમાં સિમેન્ટનું પેમેન્ટ કરવા માટે રાખેલી રૂ. પાંચ લાખની રોકડ રકમ તેમજ ઉપરના ખાનામાં છૂટક વેપારની રાખેલી રૂ. પચાસ હજારની રોકડ રકમ મળી કુલ રૂપિયા સાડા પાંચ લાખની રોકડ રકમ રાત્રિના સમયે કોઈ તસ્કરો તાળા તોડીને ચોરી કરીને લઈ ગયા હોવાનું ખુલવા પામ્યું છે.

આ સમગ્ર પ્રકરણ અંગે દ્વારકા પોલીસે વિધિવત રીતે ગુનો નોંધી સ્થાનિક પી.એસ.આઈ. આર.એલ. ચોપડા તેમજ તેમની ટીમ દ્વારા તસ્કરોને ઝડપી લેવા માટેના ચક્રો ગતિમાન કરવામાં આવ્યા છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

દ્વારકામાં વેપારીની દુકાનમાંથી સાડા પાંચ લાખની રોકડની ચોરી

Recent News

Gujarat's No. 1 evening newspaper