રાજકોટમાં થોરાળા પોલીસ મથકમાં કોન્સ્ટેબલ તરીકે ફરજ બજાવતા શીતલબેન મકવાણાએ ફરજમાં રૂકાવટ અંગેની થોરાળા પોલીસ મથકમાં ફરિયાદ નોંધાવી છે.    

બનાવની વિગત અનુસાર, ગઈકાલે સવારે પીજીવીસીએલ દ્વારા ચેકિંગ હાથ ધરાયું હતું જે ચેકિંગમાં આ મહિલા પોલીસ કર્મી પણ સામેલ હતા. ત્યારે સવારના 07:00 વાગ્યે મનહરપરા શેરી નંબર 4ના ખૂણે મફતિયાપરામાં એક શંકાસ્પદ રીક્ષા જણાય હતી અને ચાર-પાંચ લોકો બોક્સની હેરાફેરી કરતા હોવાનું અનુમાન લગાવવામાં આવ્યું હતું. શંકાના આધારે મહિલા પોલીસ કર્મી ત્યાં પહોંચ્યા તે દરમિયાન મધુબેન નામની મહિલા વચ્ચે આવી અને જે કામ કરો છો તે કામ કરવા જાવ તેવું કહીને ગાળો ભાંડી હતી બાદમાં બોલાચાલી થતા રીક્ષા ચાલક પણ રીક્ષા લઈને નાસી છૂટ્યો હતો. બનાવને લઈને લોકોના ટોળા ઘટના સ્થળે એકત્ર થઈ ગયા અને જો જોતામાં મહિલા પણ ત્યાંથી નાસી છૂટી હતી જેને લઈને મહિલા પોલીસ કર્મી દ્વારા ફરજમાં રૂકાવટની ફરિયાદ નોંધવામાં આવી છે.