શિક્ષકને કોરોના થતાં શાળાના વિદ્યાર્થીઓને તાબડતોડ રજા આપી દેવામાં આવી

  • February 27, 2021 10:15 AM 
Aajkaal Daily (Desh Pardesh Ni Aajkaal)

ગઢડા પંથકમાં શિક્ષક સહિત બે વ્યક્તિ કોરોનાગ્રસ્ત 

 

 

ગઢડાની સરકારી શાળામાં ફરજ બજાવતા શિક્ષકને કોરોના થતાં શાળાના વિદ્યાર્થીઓને તાબડતોડ રજા આપી દેવામાં આવી હતી. પંથકમાં શિક્ષક સહિત બે વ્યક્તિ કોરોનાગ્રસ્ત થયા છે. જેમને સારવાર અર્થે ભાવનગર ખસેડવામાં આવ્યા હોવાનું જાણવા મળ્યું છે.

 

 

ગઢડા તાલુકામાં કોરોના વેક્સીનની પ્રક્રિયા અને લાંબા લોકડાઉન બાદ લોકો માનસિક રીતે કોરનાથી મુક્ત થવા લાગ્યા છે. કોરોનાની રફ્તાર ધીમી પડતા જનજીવન થાળે પડવા માંડયું છે અને સરકારે પણ શાળા -કોલેજ સહિતના સંકુલો રાબેતા મુજબ કાર્યરત કરી દીધા છે તેવામાં ઘણાં સમય બાદ ગઢડા પંથકમાં કોરોનાએ ફરી ઉથલો મારતા લોકોની ચિંતામાં વધારો થયો છે. સરકારી પ્રાથમિક શાળામાં ફરજ બજાવતા શિક્ષકનો કોરોના રિપોર્ટ પોઝિટિવ આવ્યો હતો. જેના કારણે શાળામાં તકેદારીના ભાગરૂપે વિદ્યાર્થીઓને રજા આપી દેવામાં આવી હતી. પ્રાથ. શાળાના શિક્ષક ઉપરાંત અન્ય એક વ્યક્તિને પણ કોરોના થતાં દરદીને સારવાર અર્થે ભાવનગરની સરકારી હોસ્પિટલમાં ખસેડાયા હોવાનું સૂત્રો પાસેથી જાણવા મળ્યું છે.

 

લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS