કોરોના માટેની લેબોરેટરી ટૂંક સમયમાં રાજકોટમાં પણ શરૂ કરાશે

  • October 28, 2020 02:04 AM 
Aajkaal Daily (Desh Pardesh Ni Aajkaal)

સૌરાષ્ટ્રના પાટનગર સમાન રાજકોટમાં પણ કોરોનાના કેસ ડિટેક્ટ કરવા માટેની લેબોરેટરી હોવી જોઇએ તેવી વિધિવત દરખાસ્ત રાજ્ય સરકાર તરફથી કેન્દ્ર સરકારના આરોગ્ય મંત્રાલયમાં કરવામાં આવી છે અને અત્યંત ટૂંક સમયમાં આ અંગેની વિધિવત જાહેરાત થાય તેવી સંભાવના હોવાનું ટોચના આધારભૂત સૂત્રોમાંથી જાણવા મળી રહ્યું છે.


આ સૂત્રોના જણાવ્યા મુજબ બે દિવસ અગાઉ રાજકોટ જિલ્લાના પ્રભારી મંત્રી અને ગુજરાત સરકારના કેબિનેટ મંત્રી ભૂપેન્દ્રસિંહ ચુડાસમા રાજકોટની મુલાકાતે આવ્યા ત્યારે આ બાબતે તેમની સમક્ષ અધિકારીઓ અને સ્થાનિક પદાધિકારીઓ દ્વારા રજૂઆત કરવામાં આવી હતી. અને ત્યાર બાદ તાત્કાલિક આ રજૂઆત મુજબ કેન્દ્ર સરકારના આરોગ્ય મંત્રાલયમાં રાજકોટમાં લેબોરેટરી શરૂ કરવા માટેની વિધિવત દરખાસ્ત કરવામાં આવી છે.રાજકોટની સાથોસાથ વડોદરાની પણ લેબોરેટરી શરૂ થાય તેમ સંપર્ક સૂત્રો જણાવી રહ્યા છે.
અત્રે એ ઉલ્લેખનીય છે કે હાલ ગુજરાતમાં અમદાવાદ, જામનગર, ભાવનગર અને સુરતમાં આ માટેની લેબોરેટરી કાર્યરત છે અને તેમાં રાજકોટ તથા વડોદરાનો ઉમેરો થશે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS