સઈ દેવળીયા ગામનો બનાવ

ભાણવડ તાલુકાના સઈ દેવળીયા ગામે રહેતા નીતાબેન વિજયભાઈ કેશવાલા નામના 25 વર્ષના પરિણીત મહિલાને તેણીના પતિ વિજય હમીરભાઈ કેશવાલાએ "રોટલી કેમ કાચી છે?" તેમ કહીને તેમની ઉપર રોટલીના ડબ્બાનો છૂટો ઘા કર્યો ગયો હતો. જેના કારણે તેમને પીઠના ભાગમાં ઇજાઓ થવા પામી હતી.

આટલું જ નહીં, આરોપી વિજય દ્વારા પોતાના પત્નીને લોખંડના સળિયા વડે આડેધડ ઘા ફટકારતા તેમને મૂઢ ઈજાઓ પહોંચી હતી. આ પ્રકરણમાં આરોપીએ પોતાના પત્નીને બીભત્સ ગાળો કાઢી, ગળું દબાવીને જાનથી મારી નાખવાની ધમકી આપ્યાનું પણ વધુમાં જાહેર થયું છે.

આ સમગ્ર બનાવ અંગે ભાણવડ પોલીસે ભોગ બનનાર મહિલા નીતાબેન કેશવાલાની ફરિયાદ પરથી વિજય હમીરભાઈ કેશવાલા સામે બી.એન.એસ. તેમજ જી.પી. એક્ટની કલમ હેઠળ ગુનો નોંધી, આગળની કાર્યવાહી કરી હતી. 

ખંભાળિયામાં બાઈકની અડફેટે મહિલા ઈજાગ્રસ્ત

દ્વારકામાં ફૂલવાડી વિસ્તારમાં રહેતા શરીફાબેન લતીફભાઈ મોડા નામના 65 વર્ષના મહિલાને ખંભાળિયાથી આશરે ત્રણ કિલોમીટર દૂર જામનગર હાઈવે પરના એક પેટ્રોલ પંપ પાસેથી ચાલીને જતી વખતે જી.જે. 37 એ. 2040 નંબરના મોટરસાયકલના ચાલકે અડફેટે લેતા તેમને ફ્રેક્ચર સહિતની નાની મોટી ઈજાઓ સાથે હોસ્પિટલમાં સારવાર આપવામાં આવી હતી. જે અંગે ખંભાળિયા પોલીસ મથકમાં બાઈક ચાલો સામે ગુનો નોંધાયો છે.