કાશ્મીર પર આતંકવાદી અને તાલિબાનની નજર, સુરક્ષા એજન્સીઓએ જારી કર્યું હાઈ એલર્ટ  

  • August 28, 2021 05:29 PM 
Aajkaal Daily (Desh Pardesh Ni Aajkaal)

સરહદ પારના જોડાણ અને નાપાક ષડયંત્રોને કારણે દેશની સુરક્ષા એજન્સીઓએ જમ્મુ-કાશ્મીરમાં આતંકવાદી હુમલા અંગે એલર્ટ જારી કર્યું છે. એક વરિષ્ઠ અધિકારીએ જણાવ્યું હતું કે, 'રાજ્યની ગુપ્તચર અને સુરક્ષા એજન્સીઓ સાથે ઇનપુટ્સ શેર કરવામાં આવ્યા છે, જેથી આ હુમલાઓને નિષ્ફળ બનાવવા માટે તૈયારીઓ કરી શકાય.'

 

અધિકારીએ જણાવ્યું કે, 'ઓગસ્ટના ત્રીજા સપ્તાહમાં અફઘાનિસ્તાનના કંદહારમાં જૈશ-એ-મોહમ્મદના વડા મસૂદ અઝહર અને તાલિબાન નેતાઓ વચ્ચેની બેઠક અંગેની માહિતી મળ્યા બાદ તમામ ગુપ્તચર એજન્સીઓને હાઈ એલર્ટ પર રાખવામાં આવી છે. જણાવવામાં આવી રહ્યું છે કે આ બેઠકમાં જૈશે ભારતમાં હુમલા કરવામાં તાલિબાન નેતાઓ પાસેથી મદદ માંગી હતી. આ બેઠકમાં પાકિસ્તાનની રાજકીય સ્થિતિ પર પણ ચર્ચા કરવામાં આવી હતી.'

 

24 ઓગસ્ટના રોજ બે પાકિસ્તાની આતંકવાદીઓની હિલચાલ વિશે માહિતી મળી જે શ્રીનગરમાં ગ્રેનેડ હુમલો કરવા માંગે છે. તમામ એજન્સીઓને સંકલન માટે ચેતવણી આપવામાં આવી છે. તમામ રાજ્યોને સુરક્ષા વધારવા અને આતંકવાદ વિરોધી એકમોને હાઈ એલર્ટ પર રહેવા માટે કહેવામાં આવ્યું છે.

 

15 ઓગસ્ટના રોજ તાલિબાને કાબુલ પર કબજો કર્યો અને યુએસ સમર્થિત સરકાર પડી. આ પછી, ઘણા દેશોએ કાબુલમાંથી તેમના નાગરિકો અને રાજદ્વારીઓને બહાર કાવાનું શરૂ કર્યું છે. કાબુલ એરપોર્ટ પર હજારો લોકો ભેગા થયા છે, જે દેશ છોડવા માંગે છે. ભારત મિશન 'દેવી શક્તિ' અંતર્ગત તેના નાગરિકો સાથે હિન્દુ અને શીખ અફઘાનને બહાર કાઢવામાં વ્યસ્ત છે. આ દરમિયાન, ગુરુવારે, ઇસ્લામિક સ્ટેટના ખોરાસન મોડ્યુલે એરપોર્ટની બહાર ફિદાયીન હુમલો કર્યો, જેમાં 13 અમેરિકન સૈનિકો સહિત ઓછામાં ઓછા 169 અફઘાન નાગરિકો માર્યા ગયા.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS
Aajkaal Daily (Desh Pardesh Ni Aajkaal)
Covid amongst kids
  • May 10, 2021