ધ્રોલ તાલુકાના હરીપર ગામમાં રહેતા યુવાનને પોલીસમાં બાતમી આપે છે એવી શંકા રાખીને બે શખ્સોએ મારી નાખવાની ધમકી દીધાની ફરીયાદ દાખલ થઇ છે.

ધ્રોલ તાલુકાના હરીપર ગામમાં રહેતા મનિષ ધીરજભાઇ પરમાર (ઉ.વ.૨૧) નામના યુવાનને આરોપીઓએ તું કેમ અમારી બાતમી પોલીસને આપશ તેમ કહી તારા પગના નળા ભાંગી નાખવા છે, હવે જીવતો રહેવા દેવો નથી તેમ મોબાઇલ અને રૂબરૂ ધમકી દઇ, અપશબ્દો બોલી, એકબીજાને મદદગારી કરી હતી.

આ અંગે મનિષભાઇએ ગઇકાલે ધ્રોલના પવન ઉર્ફે મયુર રાજેશ શ્રીમાળી અને માંડા ખીમા જુંજાની વિરુઘ્ધ ફરીયાદ કરી હતી. બે દિવસ પહેલા ધમકી દીધાનો મામલો ગઇકાલે પોલીસ મથકે પહોંચતા ફરીયાદના આધારે આરોપીઓની અટક કરવા તપાસ લંબાવી છે.