ભારતમાં કોવિડ-19ના દૈનિક કેસોમાં ફરી એકવાર ઉછાળો જોવા મળ્યો છે. છેલ્લા 24 કલાક દરમિયાન દેશમાં કોરોના વાયરસના 3,824 નવા કેસ નોંધાયા છે. ભારતમાં હાલમાં 18,389 સક્રિય કેસ છે. હાલમાં સક્રિય કેસ કુલ કેસના 0.04 ટકા છે. છેલ્લા 24 કલાકમાં સાજા થયેલા દર્દીઓની સંખ્યા 1,784 હતી. જેના કારણે કોરોનાથી સાજા થનારા લોકોની કુલ સંખ્યા વધીને 4,41,73,335 થઈ ગઈ છે. દેશમાં રિકવરી રેટ હાલમાં 98.77 ટકા છે. 

દેશની રાજધાની દિલ્હીમાં કોરોનાની ઝડપ સતત વધી રહી છે. દિલ્હીમાં એક જ દિવસમાં કોરોનાના 400 થી વધુ નવા કેસ નોંધાયા છે. દિલ્હીમાં કોરોના સંક્રમણનો સકારાત્મક દર 14 ટકાને વટાવી ગયો છે. છેલ્લા 24 કલાક દરમિયાન દિલ્હીમાં 2895 ટેસ્ટમાં 416 કોરોના કેસ નોંધાયા છે. દિલ્હીમાં ચેપનો દર 14.37 ટકા છે. છેલ્લા 24 કલાકમાં એક દર્દીનું મોત થયું છે. જોકે, હેલ્થ બુલેટિન મુજબ મૃત્યુનું કારણ કોરોના નથી.