જામનગર ખાતેની સૈનિક સ્કૂલ બાલાચડીનું શિવાજી હાઉસ ઇન્ટર હાઉસ બાસ્કેટબોલ 2026–27નું ચેમ્પિયન થયું...
​​​​​​​

સૈનિક સ્કૂલ બાલાચડી, જામનગર ખાતે હાલમાં શૈક્ષણિક સત્ર 2026–27 માટેની ઇન્ટર હાઉસ બાસ્કેટબોલ ચેમ્પિયનશિપ ચાર દિવસ સુધી ઉત્સાહભેર યોજાઈ હતી. સમગ્ર ટુર્નામેન્ટ દરમિયાન કેડેટ્સે રમતગમતની શ્રેષ્ઠતા, ટીમવર્ક, શિસ્ત અને ખેલદિલીનું ઉત્કૃષ્ટ પ્રદર્શન કર્યું.

લીગ-કમ-નોકઆઉટ પદ્ધતિથી યોજાયેલી આ ચેમ્પિયનશિપમાં શાળાના છ સિનિયર હાઉસોએ ભાગ લીધો હતો. ટીમોને બે પુલમાં વિભાજિત કરવામાં આવી હતી. પૂલ–'A'માં ગરુડ હાઉસ, શિવાજી હાઉસ અને સરદાર પટેલ હાઉસ, જ્યારે પૂલ–'B'માં પ્રતાપ હાઉસ, આંગ્રે હાઉસ અને ટાગોર હાઉસનો સમાવેશ કરવામાં આવ્યો હતો. કાંટાની ટક્કર બાદ શિવાજી હાઉસ અને ટાગોર હાઉસ ફાઇનલમાં પહોંચ્યાં.