જામનગરમાં રહેતી એક પરણીતાને રાજકોટમાં રહેતા તેણીના પતિ સહિતના સભ્યોએ દહેજના કારણે ત્રાસ ગુજારી ઘરમાંથી હાંકી કાઢી હતી, આથી તેણીએ પોતાના અર્કિટેક્ટ પતિ સહિતના સાસરીયાઓ સામે મહિલા પોલીસ મથકમાં ફરિયાદ નોંધાવી છે.



જામનગરમાં ગુલાબ નગર વિસ્તારમાં શેરી નંબર-૧માં રહેતી રાધિકાબેન કેતનભાઇ મકવાણા નામની ૨૮ વર્ષની પરણીતાએ જામનગરના મહિલા પોલીસ મથકમાં પોતાના પતિ રાજકોટમાં કોઠારીયા મેઇન રોડ ખાતે રહેતા આર્કિટેક કેતન પ્રવીણભાઈ મકવાણા, ઉપરાંત સસરા પ્રવીણભાઈ નરસિભાઈ મકવાણા, અને સાસુ ચંપાબેન પ્રવીણભાઈ મકવાણા સામે દહેજ ધારા અંગેની ફરિયાદ નોંધાવી છે.





 પોલીસ ફરિયાદમાં જણાવ્યા અનુસાર ફરિયાદી યુવતી કે તેણીને છેલ્લા એકાદ વર્ષથી આર્કિટેક પતી કેતનભાઇ, તથા સાસુ- સસરા દ્વારા દહેજના મામલે ત્રાસ ગુજારવામાં આવતો હતો, અને માવતરે થી વધુ દહેજ લઈ આવવાની માંગણી સાથે પહેરેલા કપડે ઘરમાંથી હાંકી કાઢી હતી. જેથી તેણી એ જામનગરના મહીલા પોલીસ મથકનો સંપર્ક સાધ્યો હતો, અને પોતાના દહેજ ભૂખ્યા સાસરીયાઓ સામે ફરિયાદ નોંધાવી છે.