ભારતમાં દરેક વ્યક્તિનું સ્વપ્ન સરકારી નોકરીનું હોય છે. કેમ કે આ નોકરી તમને સ્થિરતા આપે છે. એકવાર તમે સરકારી નોકરી મેળવી લો, પછી તમને વૃદ્ધાવસ્થા સુધી સપોર્ટ મળે છે. લોકો સરકારી કચેરીઓમાં આરામથી બેસીને પોતાના કામકાજની સાથે ચા-નાસ્તો પણ માણે છે. અત્યાર સુધી સરકારી સભાના નાસ્તામાં સમોસા અને કચોરી સાથે જલેબી પીરસવામાં આવતી હતી. પરંતુ હવેથી આવું નહીં થાય.

તાજેતરમાં સરકારી સભાઓમાં મળતા નાસ્તાના મેનુમાં ફેરફાર કરવામાં આવ્યો છે. આ માટે વિભાગીય પરિપત્ર બહાર પાડવામાં આવ્યો હતો, જે વાયરલ થઈ રહ્યો છે. સોશિયલ મીડિયા પર પણ આ નવા મેનુની ખૂબ ચર્ચા થઈ રહી છે. હવે ભજનલાલ સરકારના કર્મચારી વિભાગ દ્વારા નવા મેનુ પ્રમાણે સરકારી બેઠકોમાં નાસ્તો પીરસવામાં આવશે. આમાં તમને સમોસા, કચોરી કે જલેબી નહીં પણ માત્ર શેકેલી વસ્તુઓ મળશે.

તળેલા ખાદ્યપદાર્થોના કારણે સરકારી કર્મચારીઓના સ્વાસ્થ્ય પર વિપરીત અસર થઈ રહી છે. આ કારણોસર મેનુમાં ફેરફાર કરવામાં આવ્યો હતો. હવે મિટિંગમાં શેકેલા ચણા, શેકેલી મગફળી, મખાના અને મલ્ટિ-ગ્રેન ડાયજેસ્ટિવ બિસ્કિટ પીરસવામાં આવશે. કર્મચારીઓના સ્વાસ્થ્યને ધ્યાનમાં રાખીને આ મેનુ બનાવવામાં આવ્યું છે. આ અંગે આદેશ જારી કરવામાં આવ્યો છે.

એવું નથી કે મીટીંગમાં માત્ર નાસ્તાના મેનુમાં જ ફેરફાર થયો છે. પીવાના પાણી અંગે પણ નવી માર્ગદર્શિકા આવી છે. હવે પ્લાસ્ટિકની બોટલોમાં પાણી પીરસવામાં આવશે નહીં. કર્મચારીઓ અને અધિકારીઓને કાચના ગ્લાસ અને બોટલમાં પાણી આપવામાં આવશે. આ ફેરફારો હવે સચિવાલયની બેઠકોમાં જોવા મળશે