ભારતમાં કોરોનાની બીજી લહેર વધુ ખતરનાક બની, બમણી ગતિએ વધી રહ્યા છે કેસ

  • March 30, 2021 09:40 PM 
Aajkaal Daily (Desh Pardesh Ni Aajkaal)

મહારાષ્ટ્ર અને ગુજરાત સહિતના રાજ્યોમાં ઝડપથી વધી રહ્યા છે નવા કેસ: એક્ટિવ કેસનો આંકડો નવા રેકોર્ડ પર પહોંચ્યો

 



ભારતમાં ચાલી રહેલી કોરોનાની બીજી લહેર દરમિયાન ઝડપથી કોરોના વાયરસના કેસમાં વધારો થઈ રહ્યો છે અને આગામી દિવસોમાં પણ આ વધારો જોવા મળશે.
સોમવારે ભારતમાં 68,020 નવા કેસ નોંધાયા છે, આ પાછલા વર્ષે ઓક્ટોબર પછી એક દિવસમાં સૌથી વધુ નોંધાયેલા કેસ છે. દેશમાં કુલ કોરોના કેસનો આંકડો 1,20,00,000 ને પાર થઈ ગયા છે.

 


આ સાથે કોરોના કેસમાં વધારો નોંધાઈ રહ્યો છે તે માત્ર કેટલાક વિસ્તારોમાં જ છે, કોરોના કેસ દેશના 10 રાજ્યોમાં જ વધી રહ્યા છે, આગામી સમયમાં નવા કેસનો આંકડો વધુ ચિંતાજનક બની શકે છે.

 


હાલ દેશમાં ચાલી રહેલી કોરોના વાયરસની લહેર પાછલા વર્ષે સપ્ટેમ્બર-ઓક્ટોબરમાં આવેલી લહેર કરતા વધારે ઝડપી છે, આ વખતે વધુ ઝડપથી નવા કેસની સંખ્યામાં વધારો થઈ રહ્યો છે. પહેલી લહેર દરમિયાન 32 દિવસમાં 18,000 કેસથી 50,000 કેસ થયા હતા.

 


જોકે, આ વખતની લહેરમાં બમણી ગતિથી કોરોનાના કેસમાં વધારો નોંધાઈ રહ્યો છે. 17 દિવસ પહેલા 11 માર્ચના રોજ એક જ દિવસમાં 18,377 કેસ નોંધાયા હતા, જે 27 માર્ચના રોજ 50,518 પર પહોંચી ગયા.

 


મહારાષ્ટ્રમાં પહેલી લહેર દરમિયાન 11,000થી 21,900 કેસ સુધી પહોંચતા 31 દિવસનો સમય લાગ્યો હતો, જ્યારે આ બીજી લહેરમાં માત્ર 9 દિવસમાં કેસ 11,000થી 21,900 પર પહોંચી ગયા છે. આ વખતે પોઝિટિવિટી રેટ ઘણોં જ ઊંચો પહોંચ્યો છે.

 


મુંબઈમાં 24 દિવસમાં કોરોનાના 24 કલાકમાં નોંધાતા કેસનો આંકડો 850થી 2,100 પર પહોંચ્યા હતા, જ્યારે આ વખતે માત્ર 6 દિવસનો જ સમય લાગ્યો છે. આ જ રીતે ગુજરાતમાં 900થી 1500 કેસ પર પહોંચતા 30 દિવસનો સમય લાગતો હતો પરંતુ આ વખતે તે ગતિ માત્ર 6 દિવસની થઈ ગઈ છે. આ જ રીતે પંજાબ, છત્તીસગઢ જેવા રાજ્યોમાં બમણી ગતિથી કોરોના કેસ વધી રહ્યા છે.

 


એક્ટિવ કેસનો આંકડો નવા રેકોર્ડ પર પહોંચ્યો
ભારતમાં કોરોનાના કુલ એક્ટિવ કેસનો આંકડો રવિવારે 5 લાખને પાર થઈ ગયો છે. માત્ર 4 જ દિવસમાં એક્ટિવ કેસનો આંકડો 4 લાખથી 5 લાખ પર પહોંચી ગયો છે. આ કોરોનાની મહામારી આવ્યા પછી અત્યાર સુધીમાં સૌથી ઝડપી 1 લાખ એક્ટિવ કેસમાં વધારો થયો છે.

 


5 રાજ્યો- દેશના કુલ એક્ટિવ કેસમાંથી 80.17% કેસ મહારાષ્ટ્ર, કેરળ, પંજાબ, કણર્ટિકા અને છત્તીસગઢમાં છે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS