મિનિ લોકડાઉન બિનઅસરકારક, તાત્કાલિક હટાવો: હાઇકોર્ટમાં પીટીશન

  • May 08, 2021 10:50 AM 
Aajkaal Daily (Desh Pardesh Ni Aajkaal)

ઘરમાં જ રહીને સંક્રમણવધ્યું હોવાની ગુજરાતમાં કરેલી પિટિશનમાં સામાજિક કાર્યકરોની રજૂઆત



રાયમાં સંક્રમણની સાંકળ તોડવા માટે લાગુ કરવામાં આવેલું આંશિક લોકડાઉન કોઈપણ જાતના વૈજ્ઞાનિક અભિગમ વગરનું અને બિનઅસરકારક હોવાથી તાત્કાલિક તેને હટાવી લેવું જોઈએ તેવી માગણી કરતી પિટિશન ગુજરાત હાઈકોર્ટમાં ફાઈલ કરવામાં આવી છે. આ પિટિશનમાં તેવી પણ આશ્ચર્યજનક વાત રજૂ કરવામાં આવી છે કે, બહાર ફરવા કરતાં ઘરમાં રહેવાથી સંક્રમણનું જોખમ વધે છે અને તેથી જ બીજી લહેરમાં મધ્યમવર્ગ અને ઉચ્ચ મધ્યમવર્ગના લોકો વધુ સંક્રમિત થઈ રહ્યા છે.

 


સામાજિક કાર્યકરો વિશ્વાસ ભાંમ્બુરકર અને સ્નેહ ભાવસાર દ્રારા પાર્ટી ઈન પર્સન તરીકે કરવામાં આવેલી પિટિશનમાં રજૂઆત કરવામાં આવી છે કે, કોરોનાના વધતા કેસોને જોતા લોકડાઉન બિનઅસરકારક છે. સરકાર દ્રારા જે આંકડા રજૂ કરવામાં આવે છે તે ખોટા હોઈ શકે છે અને પોતાન સાનુકૂળ આદેશો મેળવવા માટે રજૂ કર્યા હોઈ શકે છે.
ગુજરાત અને અન્ય રાયોમાં કોરોનાના કેસોના આંકડા, સંશોધનો અને તેના આધારે છપાયેલા સમાચારોને આધાર તરીકે લઈને પિટિશનમાં રજૂઆત કરવામાં આવી છે કે, બહાર ફરવાના બદલે ઘરમાં બેસી રહેવાથી કોરોનાનું સંક્રમણ થવાનો વધારે ભય છે.

 

 

તેની પાછળનું કારણ એ છે કે, બહાર જઈને આવનાર વ્યકિત પોતાના હાથ ધોવે છે અને કપડા પલાળે છે પરંતુ ઘરમાં રહીને આમ કરવામાં આવતું નથી. લોકડાઉન દરમિયાન મધ્યમવર્ગ કે ઉચ્ચ મધ્યમવર્ગ દ્રારા એકબીજાને હળવા મળવાની અને સંપર્કની પ્રક્રિયા ચાલુ રહેતી હોવાથી તેનો હેતુ સર થતો નથી. રાય સરકાર દ્રારા જાહેર કરાયેલા નિયંત્રણોની નીતિ વૈજ્ઞાનિક અભિગમ કે આંકડાકીય માહિતીનો આધાર ધરાવતી નથી. આવા નિર્ણયોના કારણે સમસ્યાનું સમાધાન થવાના બદલે વધુ વકરે છે. વાયરસની પોતાની એક ખાસિયત છે અને તે સરકારી કે કોર્ટના આધારે વર્તન કરતો નથી.

 


તેથી લોકોને ખુલ્લા વાતાવરણમાં મળવા દેવા જોઈએ, હવાનું પુન:વહન થાય તે માટે જાહેર અને ખાનગી જગ્યાઓએ એરકંડિશનિંગ ઘટાડવું જોઈએ તેમજ લોકોને કુદરતી હવા મળી રહે તેવું વાતાવરણ ઊભું કરવું જોઈએ. ખુલ્લા વિસ્તારોમાં ફેરિયાને વેપાર કરવાની મંજૂરી આપવી જોઈએ. કોરોનાગ્રસ્ત લોકોને તબીબી સુવિધા, બેડ, ઓકિસજન, દવાઓ તેમજ ઈન્જેકશન મળી રહેવા જોઈએ', તેમ પિટિશનમાં કહેવાયું છે.

 


ઉલ્લેખનીય છે કે, એપ્રિલ મહિનો શ થયો ત્યારથી ગુજરાતમાં નિયમિત સરેરાશ કોરોના વાયરસના ૧૦ હજારથી વધુ કેસ સામે આવી રહ્યા છે. પરિસ્થિતિને કાબૂમાં રાખવા માટે સરકારે મિનિ લોકડાઉનની જાહેરાત કરી છે. આ સિવાય રાતના ૮થી સવારના ૬ વાગ્યા સુધીનું રાત્રિ કર્યૂ પણ છે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS