રાજકોટમાં આજે સવારે આકાશ સાફ જોવા મળ્યું હતું. આકરા તડકા સાથે અસહ્ય ઉકળાટથી લોકો પરસેવે રેબઝેબ થઈ રહ્યા છે. ત્યારે બપોર પછી રાજકોટના વાતાવરણ અચાનક પલટો જોવા મળ્યો છે. કાળા ડિબાંગ વાદળો આકાશમાં છવાયા હતા અને અચાનક વરસાદ પડ્યો હતો

લોકોએ અસહ્ય ગરમીમાંથી રાહત મેળવી

શહેરના યાજ્ઞિક રોડ, 150 ફૂટ રિંગ રોડ, રેસકોર્સ, મવડી, નાના મોવો, મોટા મોવા, કાલાવડ રોડ સહિતના વિસ્તારોમાં ભારે પવન અને ગાજવીજ સાથે વરસાદ વરસ્યો હતો. વરસાદના પગલે રસ્તાઓ વરસાદી પાણીથી ભીંજાયા હતા અને વાતાવરણમાં ઠંડક પ્રસરતા લોકોએ અસહ્ય ગરમીમાંથી રાહત મેળવી હતી.