સાળંગપુર દાદાનું અપમાન કરાયું હોવાનો વિવાદ સર્જાયો છે. બોટાદના સાળંગપુરમાં આવેલા કિંગ ઓફ સાળંગપુર પ્રતિમાની નીચે ભિંત ચિત્રોમાં હનુમાનજીને સ્વામીનારાયણ ભગવાનને વંદન કરતા દર્શાવ્યા છે. 

આમ હનુમાનજી દાદાનું અપમાન સર્જાયાનો વિરોધ શરુ થયો છે. ભીંત ચિંત્રોની તસ્વીરો સોશિયલ મીડિયામાં પણ ખૂબ જ વાયરલ થઈ છે. સાથે જ વિરોધમાં લખાણ પણ લખીને હવે વિરોધ દર્શાવવામાં આવે છે. હનુમાનજીને નીચે દેખાડવાનો પ્રયાસ કરવામાં આવી રહ્યો છે, એવો વિરોધ વ્યાપ્યો છે.

ત્યારે સમગ્ર મામલે રાજકોટમાં બ્રહ્મ સમાજ મેદાને ઉતર્યું છે. આ પોસ્ટર દૂર કરવામાં નહીં આવે તો આગામી દિવસોમાં ઉગ્ર વિરોધ કરવામાં આવશે. સનાતન ધર્મને બદનામ કરી દેવી-દેવતાઓને નીચા દેખાડવાનો પ્રયાસ કરવામાં આવી રહ્યો છે. સ્વામી નારાયણ સંપ્રદાયને અલગ પાડવાનો પ્રયાસ કરવામાં આવી થયો છે. આગામી 5 તારીખ સુધીમાં પોસ્ટર હટાવવામાં નહીં આવે તો સાળંગપુર ખાતે બ્રહ્મ સમાજના આગેવાનો ત્યાં પહોંચીને ઉગ્ર વિરોધ કરશે.

​​​​​​​બ્રહ્મ સમાજ સાથે ક્ષત્રિય સમાજ પણ મેદાને ઉતર્યો છે. આગામી દિવસોમાં ગૃહરાજ્ય મંત્રી હર્ષ સંઘવીને આ બાબતે રજૂઆત કરવામાં આવશે. સ્વામી નારાયણ સંપ્રદાય હાલ હલકી માનસિકતા જેવું કાર્ય કરી રહી છે. અવારનવાર હિન્દુ દેવી દેવતાઓને નીચા દેખાડવામાં આવે છે. જેને લઇને હવે હિન્દુઓને જાગવાની જરૂર છે.
​​​​​​​