જોડીયા ગામે સ્વચ્છતા હી સેવા અંતર્ગત કાર્યક્રમો હાથ ધરવામાં આવ્યા

જામનગર તા.21 સપ્ટેમ્બર, જામનગર જિલ્લામાં સ્વચ્છતા હી સેવા અભિયાન ચાલી રહ્યું છે. જેના ભાગરૂપે નહેરુ યુવા કેન્દ્ર- જામનગર દ્વારા જોડીયા ગામમાં સફાઈ અભિયાન હાથ ધરવામાં આવ્યું હતું. જેમાં જોડીયા બસ સ્ટેન્ડ અને અન્ય જાહેર સ્થળોની આસપાસ સફાઈ કાર્ય પૂર્ણ કરાયું હતું. આ કાર્યક્રમમાં નહેરુ યુવા કેન્દ્રના દલસાણીયા પાયલબેન, ગામના તલાટી કમ મંત્રી શ્રી જયદીપભાઈ ચૌહાણ, વહીવટદાર શ્રી ગઢીયાભાઈ, સ્વચ્છ ભારત મિશન શાખાના શ્રી હેમાલીબેન અને બહોળી સંખ્યામાં ગ્રામજનોએ ભાગ લીધો હતો.