વડાપ્રધાન નરેન્દ્રભાઈ મોદીનો સોમનાથમાં ભવ્ય રોડ શો : ખુલ્લી જીપમાં જનતા જનાર્દનનું અભિવાદન ઝીલ્યું

May 11, 2026 03:02 PM

વડાપ્રધાન નરેન્દ્રભાઈ મોદીનો સોમનાથમાં ભવ્ય રોડ શો : ખુલ્લી જીપમાં જનતા જનાર્દનનું અભિવાદન ઝીલ્યું

અમૃત પર્વના અવસરે સોમનાથ હેલીપેડથી સોમનાથ મંદિર સુધીના રોડ શોમાં ભારતની ભવ્ય અને દિવ્ય સંસ્કૃતિના દર્શન : એક ભારત- શ્રેષ્ઠ ભારતની નેમ થઈ ઉજાગર

અમૃત પર્વના અવસરે વડાપ્રધાન નરેન્દ્રભાઈ મોદીને સત્કારવા વિશાળ જનમેદની ઉમટી : ઉત્સાહભેર અને હર્ષોનાદ સાથે વડાપ્રધાનને આવકાર્યાં

જનનેતા વડાપ્રધાન નરેન્દ્રભાઈ મોદીને નજીકથી નિહાળી લોકો ખુશખુશાલ : ગુજરાત સહિતના દેશભરના કલાકારો દ્વારા લોકનૃત્યની પ્રસ્તુતિથી અનેરુ વાતાવરણ સર્જાયું

વડાપ્રધાનની સાથે મુખ્યમંત્રી ભૂપેન્દ્રભાઈ પટેલ અને નાયબ મુખ્યમંત્રી હર્ષભાઈ સંઘવી પણ જોડાયાં

ગીર સોમનાથ તા.૧૧ વડાપ્રધાન નરેન્દ્રભાઈ મોદીએ સમગ્ર ભારતવર્ષના આસ્થા કેન્દ્ર એવા પ્રથમ જ્યોતિર્લિંગ સોમનાથ મહાદેવના સાનિધ્યમાં આયોજિત ભવ્ય રોડ શોમાં ઉમટેલા વિશાળ માનવ મહેરામણનું અભિવાદન ઝીલ્યું હતું. વડાપ્રધાને ખુલ્લી જીપમાં પ્રજાના અપાર સ્નેહને હર્ષભેર વધાવ્યો હતો.

સોમનાથ હેલીપેડથી સોમનાથ મંદિર સુધીના ભવ્ય રોડ શોમાં વિશાળ જનમેદનીએ ઉત્સાહભેર અને હર્ષોનાદ સાથે વડાપ્રધાન નરેન્દ્રભાઈ મોદીના આગમનને વધામણાં કર્યાં હતાં, વડાપ્રધાને પણ બંને હાથ ઊંચા કરીને જનતા જનાર્દનનું વિનમ્રભાવે અભિવાદન કર્યું હતું.

વડાપ્રધાન નરેન્દ્રભાઈ મોદી સોમનાથ મંદિરની પ્રાણ પ્રતિષ્ઠાના ૭૫ વર્ષ પૂર્ણ થવાના અવસરે આયોજિત અમૃત પર્વમાં સહભાગી થવા પધારેલા વડાપ્રધાનની સાથે ખુલ્લી જીપમાં રાજ્યના મુખ્યમંત્રી ભૂપેન્દ્રભાઈ પટેલ, નાયબ મુખ્યમંત્રી હર્ષભાઈ સંઘવી પણ જોડાયાં હતાં.

આ ભવ્ય રોડ શોમાં જનનેતા અને વડાપ્રધાનની નજીકથી ઝલક મેળવી રીતસર આનંદવિભોર બની અબાલ વૃદ્ધ સહિત સૌ કોઈ ઝૂમી ઉઠ્યાં હતાં અને ભારે હર્ષોલ્લાસ સાથે પુષ્પવર્ષા કરીને વડાપ્રધાનશ્રીનો સત્કાર કર્યો હતો.

આ રોડ શો ભારતની સમૃદ્ધ અને વૈવિધ્યસભર સંસ્કૃતિના દર્શન પણ જોવા મળ્યા હતા, જેમાં દેશના ગુજરાત, બંગાળ રાજ્ય સહિત ઉત્તર અને દક્ષિણ ભારત અને પૂર્વત્તરના રાજ્યોના રાજ્યોના લોકનૃત્યોની પ્રસ્તુતિથી સમગ્ર વાતાવરણને આનંદ- ઉત્સાહથી તરબતર થયું હતું. સમગ્ર રોડ શોના રૂટ પર ૧૨ જેટલા સાંસ્કૃતિક મંચ પરથી આ પ્રસ્તુતિઓ રજૂ કરવામાં આવી હતી. જેમાં પરંપરાગત વેશભૂષામાં સજ્જ થઈ કલાકારોએ કથકલી, મોહિનીઅટ્ટમ, મેર રાસ, નટરાજ/ શિવ રાસ, ગરબા ટિપ્પણી નૃત્ય, રાઠવા નૃત્ય મરાઠી, આસામ, બંગાળ સહિતના રાજ્યોના લોકનૃત્ય રજૂ કરવામાં આવ્યા હતા. આમ, રોડ શોની સાથે એક ભારત -શ્રેષ્ઠ ભારત નેમ અને ભારતની ભવ્ય સાંસ્કૃતિક વિરાસત પણ ઉજાગર થઈ હતી.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

વડાપ્રધાન નરેન્દ્રભાઈ મોદીનો સોમનાથમાં ભવ્ય રોડ શો : ખુલ્લી જીપમાં જનતા જનાર્દનનું અભિવાદન ઝીલ્યું

Recent News

Gujarat's No. 1 evening newspaper