દરેક વ્યક્તિ જીવનના અમુક તબક્કે એકલતા સાથે સંઘર્ષ કરે છે. તે આધુનિક સમાજમાં એક રોગચાળા જેવું છે. એકલતા કોઈની ઉંમર કે બેકગ્રાઉન્ડની પરવા કરતી નથી. તે વ્યક્તિને અંદરથી તોડી નાખે છે. જે લોકો એકલતા સાથે ઝઝૂમી રહ્યા છે, તેમના મનમાં અનેક પ્રકારના વિચારો આવતા રહે છે. જો કે, દક્ષિણ કોરિયાના લોકોએ આનો સામનો કરવા માટે એક અનોખો ઉપાય શોધી કાઢ્યો છે, જેની ચર્ચા હવે સમગ્ર વિશ્વમાં સોશિયલ મીડિયા દ્વારા થઈ રહી છે.

જ્યારે લોકો એકલતા અનુભવે છે, ત્યારે તેઓ કોઈ પ્રકારનું જોડાણ શોધવા માટે પ્રિયજનો, છોડ અને પાલતુ પ્રાણીઓ સાથે સમય પસાર કરવાનું શરૂ કરે છે. પરંતુ દક્ષિણ કોરિયામાં શરૂ થયેલા નવા ટ્રેન્ડે દુનિયાને ચોંકાવી દીધી છે. અહીંના લોકોએ એકલતા સામે લડવા માટે કંઇક અલગ જ સહારો લીધો છે, પરંતુ તેમાં એક અનોખો ટ્વિસ્ટ છે.

આ પાળતુ પ્રાણી કૂતરા કે બિલાડીઓ નથી, પરંતુ પથ્થરો છે, હા, આ સત્ય છે. આવું જ કંઈક આ દિવસોમાં દક્ષિણ કોરિયામાં થઈ રહ્યું છે. લોકો ખડકોને તેમના નિર્જીવ પાલતુ તરીકે અપનાવી રહ્યા છે. તમને જાણીને નવાઈ લાગશે કે તેઓ આ પથ્થરોને નામથી બોલાવે છે.

આટલું જ નહીં, તેમના પાલતુ પત્થરોની વધુ સારી રીતે કાળજી લેવા માટે, લોકો તેમને પરિવારની જેમ સુંદર કપડાં પણ પહેરાવે છે.  તેઓ તેમને ધાબળાથી ઓઢાલે છે જેથી કરીને તેમને ઠંડી ન લાગે. દક્ષિણ કોરિયામાં પાલતુ પથ્થરોનો ધંધો પણ ફૂલીફાલી રહ્યો છે. આ ખડકો વિવિધ કદ અને આકારમાં આવે છે.

મીડિયા રિપોર્ટ્સ અનુસાર, લોકો આ કહેવાતા પાલતુ પત્થર સાથે લંચ અને વોક પર પણ લઈ જાય છે.