શાહીન શાહ આફ્રિદી ઈજાના કારણે લાંબા સમયથી મેદાનથી દૂર છે. ગયા વર્ષે જુલાઈમાં શ્રીલંકા સામેની ટેસ્ટ મેચમાં તે ઈજાગ્રસ્ત થયો હતો. પાકિસ્તાની સ્ટાર આફ્રિદી ટી-20 વર્લ્ડ કપ પહેલા ઈજામાંથી સાજો થઈ ગયો હતો. તેણે વર્લ્ડ કપમાં પણ તબાહી મચાવી હતી, પરંતુ તે ફાઇનલમાં ફરી ઈજાગ્રસ્ત થયો હતો અને હજુ સુધી તે પુનરાગમન કરી શક્યો નથી. બીજી તરફ ભારતીય સ્ટાર બોલર જસપ્રીત બુમરાહ પણ ઈજાગ્રસ્ત છે. બંને બોલર અત્યારે ઈજાથી પીડાઈ રહ્યા છે અને આમ છતાં બંનેમાંથી શ્રેષ્ઠ કોણ છે તેની ચર્ચા ચાલી રહી છે.

પાકિસ્તાનના દિગ્ગજ ખેલાડી અબ્દુલ રઝાકે તો ત્યાં સુધી કહ્યું કે બુમરાહ શાહીનની નજીક પણ નથી. બુમરાહે 30 ટેસ્ટમાં 128, 72 વનડેમાં 121 અને 60 T20 મેચમાં 70 વિકેટ લીધી છે. શાહીનના નામે 25 ટેસ્ટમાં 99 વિકેટ, 32 વનડેમાં 62 વિકેટ અને 47 ટી20માં 58 વિકેટ છે.

એક ઈન્ટરવ્યુમાં પૂર્વ પાકિસ્તાની ક્રિકેટર અબ્દુલ રઝાકને આ બંને બોલરોમાંથી સારા વિશે પૂછવામાં આવ્યું હતું. રઝાકે કહ્યું કે શાહીન સારી છે, બુમરાહ તેની નજીક પણ નથી. રઝાકને નસીમ શાહ, હરિસ રઉફ અને શાહીનમાંથી વધુ સારા બોલરનું નામ આપવાનું પણ કહેવામાં આવ્યું હતું. તેણે કહ્યું કે ત્રણેય સારા છે.

જસપ્રીત બુત્રાહ હાલમાં ઈજા સાથે સંઘર્ષ કરી રહ્યો છે. બુમરાહ આવતા મહિને ઓસ્ટ્રેલિયા સામે રમાનારી 4 ટેસ્ટ શ્રેણીની પ્રથમ 2 ટેસ્ટ મેચમાંથી પણ બહાર થઈ ગયો છે. મેડિકલ ટીમ તેના પર નજર રાખી રહી છે.

તાજેતરમાં જ ભારતીય કેપ્ટન રોહિત શર્માએ પરત ફરતી વખતે કહ્યું હતું કે તે પણ અત્યારે સ્પષ્ટ નથી. તે પ્રથમ 2 ટેસ્ટ મેચ રમી શકશે નહીં. રોહિતે કહ્યું હતું કે મને આશા છે કે તે ઓસ્ટ્રેલિયા સામે છેલ્લી 2 ટેસ્ટ મેચ રમશે. અમે તેમની સાથે કોઈ તક લેવા માંગતા નથી અને પીઠની ઈજા હંમેશા ગંભીર હોય છે. આ પછી અમારે ઘણું ક્રિકેટ રમવું પડશે.