સુરતમાં ઉધના વિસ્તારમાં વાહન પાર્ક કરવા જેવી સામાન્ય બાબતે એક લુખ્ખાએ વેપારીને છરીના ધડાધડ 10 ઘા ઝીંકી હત્યા નિપજાવતા ચકચાર મચી ગઈ છે. હત્યાનો આ હચમચાવતો બનાવ નજીકમાં લાગેલા સીસીટીવીમાં કેદ થયો હતો. જેમાં આરોપી માત્ર 10 સેકન્ડમાં જ વેપારીને છરીના 10 ઘા મારતો નજરે પડી રહ્યો છે. લોકોએ હિંમત કરી આરોપીને લોહી નિતરતી છરી સાથે ઝડપી પાડી પોલીસને હવાલે કર્યો છે. 

View this post on Instagram

A post shared by Aajkaal (@aajkaaldaily)

પાર્કિંગ જેવી સામાન્ય બાબતે સરાજાહેર હત્યા
સુભાષ ખટીક, મૂળ રાજસ્થાનના અને ડીંડોલી મધુવન સર્કલ પાસે મિલેનિયમ પાર્કમાં રહેતા હતા. સુરતના સ્ટેશન વિસ્તારમાં તેમની ઇલેક્ટ્રોનિક્સ દુકાન હતી. તેમના ભાઇ રાકેશની ઉધનામાં મહાવીર કોમ્પ્લેક્સમાં દુકાન છે. સોમવારે સાંજે સુભાષ ભાઇની દુકાને આવ્યા ત્યારે રસ્તા વચ્ચે બાઇક પડેલી જોવા મળી. સુભાષે બાઇક હટાવવા માટે નિરજ ગંગાસાગર અમરને વિનંતી કરી. પરંતુ નિરજે બાઇક હટાવવાની ના પાડી અને વિવાદ થયો. સુભાષે થોડીવારમાં બાઇક પાર્ક કરીને પરત આવીને ફરી વિવાદ કર્યો, જેના પરિણામે ઉશ્કેરાયેલા નિરજે પોતાના ચપ્પુથી સુભાષના છાતીમાં ઘા મારી દીધો.

સારવાર મળે તે પહેલા જ વેપારીનું મોત
આકસ્મિક હુમલાના કારણે સુભાષ ગંભીર રીતે લોહીલુહાણ થઈ જમીન પર ફસડાઈ પડ્યા હતા. તેમને તાત્કાલિક મહાવીર હોસ્પિટલમાં ખસેડવામાં આવ્યા, પરંતુ તબીબોએ તેમને મૃત જાહેર કર્યા હતા.