રાજકોટમાં સવા ઇંચ, ડભોઇમાં અઢી, આહવામાં બે ઇંચ વરસાદ

  • June 23, 2021 10:15 AM 
Aajkaal Daily (Desh Pardesh Ni Aajkaal)

ગઈકાલે સાંજે રાજકોટના વાતાવરણમાં એકાએક પલટો આવ્યો હતો અને પાંચ વાગ્યાની આસપાસ જોરદાર વરસાદ શરૂ થઈ ગયો હતો અને થોડા સમયમાં જ સવા ઈંચ પાણી પડી ગયું હતું. વરસાદને કારણે શહેરના અનેક વિસ્તારોમાં પાણી ભરાયા હતા અને ટ્રાફિક જામના દ્રશ્યો ફેર જોવા મળ્યા હતા. રાજકોટ શહેરમાં સારો વરસાદ થયો છે પરંતુ જિલ્લાના એક તાલુકામાં છાંટો પણ પડ્યો નથી. વડોદરા જિલ્લાના ડભોઇમાં અઢી ડાંગ જિલ્લાના આહવામા 2 અને વધયમાં દોઢ ઇંચ વરસાદ થયો છે આ ઉપરાંત અરવલ્લી જિલ્લાના મોડાસામાં પોણા બે ઇંચ તાપી જિલ્લાના ડોલવણ માં દોઢ ઇંચ વરસાદ થયો છે.

 

 

અમદાવાદ શહેરમાં પણ કાલે વરસાદ પડયો હતો અને 31મી મીટર પાણી પડ્યું હતું આ ઉપરાંત આણંદ જિલ્લાના ખંભાત માં સવા ઈંચ ખેડા જિલ્લાના કપડવંજ માં 1 ઈચ વરસાદ થયો છે. સ્ટેટ કંટ્રોલ રૂમના જણાવ્યા મુજબ આજે સવારે આઠ વાગે પુરા થતાં 24 કલાક દરમિયાન ગુજરાતના 20 જિલ્લાના 58 તાલુકામાં સામાન્ય જાણકારી ઝાપટાથી અઢી ઇંચ વરસાદ થયો છે આગામી ત્રણ દિવસ સુધી રાજ્યના અનેક વિસ્તારોમાં હળવાથી મધ્યમ ઝાપટા ચાલુ રહેશે તેવી હવામાન ખાતાની આગાહી છે.

 

 

સુરેન્દ્રનગર, કંડલા, ગાંધીનગર અને અમદાવાદમાં તાપમાન 40 ડિગ્રીને પાર
ગુજરાતમાં ગરમીના પ્રમાણમાં વધારાનો સિલસિલો બે દિવસથી શરૂ થયો છે આજે અમદાવાદમાં 40.6 સુરેન્દ્રનગરમાં 40.3 કંડલામાં 40.1 અને ગાંધીનગરમાં 40 ડિગ્રી મહત્તમ તાપમાન નોંધાયું છે આગામી દિવસોમાં મહત્તમ તાપમાનમાં ત્રણથી ચાર ડિગ્રી જેટલો વધારો થશે તેવી આગાહી હવામાન ખાતા દ્વારા કરવામાં આવી છે.

 


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS