ઓલિમ્પિ કઃ પુરૂષ હોકીમાં ભારતે સતત બીજી ગ્રુપ મેચમાં શાનદાર પ્રદર્શન કર્યું : કાલે જાપાન સામે મુકાબલો

  • July 29, 2021 09:21 AM 
Aajkaal Daily (Desh Pardesh Ni Aajkaal)

જાપાનના ટોક્યોમાં રમાઈ રહેલા ઓલિમ્પિક રમતોત્સવનો આજે સાતમો દિવસ છે. પુરૂષ હોકી ઈવેન્ટમાં ભારતીય ટીમે ડિફેન્ડિંગ ચેમ્પિયન આર્જેન્ટીનાને 3-1થી હરાવીને ક્વાર્ટરફાઈનલમાં પોતાનું સ્થાન નક્કી કરી લીધું છે. સ્પેન સામે 3-0થી મળેલી જીત બાદ ભારતે સતત બીજી ગ્રુપ મેચમાં શાનદાર પ્રદર્શન કર્યું હતું અને શરૂઆતથી મળેલી લીડને છેલ્લી ઘડીએ ઉપરા ઉપરી બે ગોલ ફટકારીને મેચમાં પોતાનો દબદબો બતાવ્યો હતો.

 

મેચની 43મી મિનિટમાં ભારતને પેનલ્ટી કોર્નર મળી હતી અને પોતાના પ્રથમ ઓલિમ્પિકમાં રમી રહેલા અરૂણ કુમારે ભારત માટે ગોલ કરીને 1-0થીની લીડ અપાવી હતી. જો કે આ અગાઉ 41મી મિનિટમાં પણ ભારતને પેનલ્ટી કોર્નર મળી હતી પરંતુ રૂપિન્દર પાલ સિંહ ગોલ કરવામાં નિષ્ફળ રહ્યો હતો.

 

ભારતીય ડિફેન્સ પણ મજબૂત જણાતું હતું તેમ છતા મેચના ચોથા ક્વાર્ટરમાં આર્જેન્ટીનાને પેનલ્ટી મળતા તેના ખેલાડી કેસેલાએ મેચની 13 મિનિટ બાકી હતી ત્યારે ગોલ ફટકારીને 1-1ની સરસાઈ મેળવી હતી. જો કે ભારતીય ટીમે પોતાના મૂળ મિજાજ મુજબ જ રમત રમી હતી અને સતત ગોલ કરવાના પ્રયાસો કર્યા હતા.

 

મેચ સમાપ્ત થવાને બે મિનિટથી ઓછો સમય બાકી રહ્યો હતો ત્યારે ભારતીય ટીમે પોતાની તમામ તાકાત લવાગી દીધી હતી અને વિવેક સાગરે 58મી મિનિટે ઓલિમ્પિકમાં પોતાનો પ્રથમ ગોલ કરીને ભારતને 2-1ની લીડ અપાવી હતી જ્યારે તેની બીજી જ મિનિટે કેપ્ટન હરમનપ્રિત સિંહે 59મી મિનિટમાં ગોલ કરીને ભારતી લીડને બેવડાવી હતી.

 

આર્જેન્ટીના સામેની મેચમાં ભારતના વિજય સાથે જ હવે પુલ એમાં ત્રણ મેચમાં જીત અને એકમાં હાર સાથે ભારત બીજા ક્રમે રહ્યું છે. પુલ એમાં પ્રથમ ક્રમે ઓસ્ટ્રેલિયા રહ્યું હતું. દરેક ગ્રુપમાંથી ટોચની ચાર ટીમો ક્વાર્ટરફાઈનલમાં પહોંચશે. ભારતનો અંતિમ ગ્રુપ મુકાબલો હવે યજમાન જાપાનની ટીમ સામે શુક્રવારે યોજાશે


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS
Aajkaal Daily (Desh Pardesh Ni Aajkaal)
Covid amongst kids
  • May 10, 2021