બાળકોમાં કોરોનાના કેસ વધતા નવી ચિંતા

  • April 03, 2021 09:35 PM 
Aajkaal Daily (Desh Pardesh Ni Aajkaal)

નવો સ્ટ્રેન બાળકો માટે વધુ જોખમી સાબિત થઈ રહ્યો છે: અમદાવાદ કરતા વડોદરામાં વધુ બાળકો કોરોના પોઝિટિવ: અલગ વોર્ડ બનાવાયો

 


બાળકોમાં કોરોના સંક્રમણ વધતા માતા પિતા અને ડોક્ટર્સ ચિંતામાં મૂકાયા છે. હવે બાળકો પણ ઝડપભેરથી કોરોનાના ઝપેટમાં આવી રહ્યાં છે. કુમળી વયના બાળકોને પણ કોરોના સંક્રમણ થઈ રહ્યું છે. આવામા માતાપિતાએ ચેતી જવાની જરૂર પડી છે. કોરોનાની ત્રીજી લહેર બાળકોના માથા પર ઘાત લઈને આવી છે.ત્યારે સૌથી વધુ વડોદરામાં બાળકોમાં કોરોના સંક્રમણ જોવા મળ્યું છે. વડોદરામાં અગાઉ 8 બાળકો સંક્રમિત હતા, ત્યારે આજે વધુ 5 બાળકોમાં કોરોના સંક્રમણ વધ્યું છે.

 


એસ.એસ.જી હોસ્પિટલના પીડિયાટ્રિક વિભાગમાં ગઈકાલે 8 બાળકો કોરોના પોઝિટિવ હતા. જેના બાદ શહેરમાં 24 કલાકમાં વધુ પાંચ બાળકો કોરોનાની ચપેટમાં આવ્યા છે. સંક્રમિત થયેલા બાળકોની હાલ સારવાર ચાલુ છે. પાંચ પૈકી એક બાળકની હાલત હાલ ગંભીર છે. સયાજી હોસ્પિટલમાં બે નવજાત શિશુ, એક ત્રણ વર્ષનું બાળક અને અન્ય એક બાળક કોરોનાની સારવાર હેઠળ છે. વડોદરાની એસએસજી હોસ્પિટલમાં બાળકોની સારવાર માટે નવું એનકોઝર ઉભું કરાયું છે. આઇસોલેસન ફેસિલિટી ઉભી કરાઈ છે. શહેરની અન્ય ખાનગી હોસ્પિટલમાં 25 જેટલા બાળકો પણ કોરોના પોઝિટિવ છે. બાળકોમાં કોરોના પોઝિટિવના લક્ષણો આવતા નવી સમસ્યાના મંડાણ થયા છે.

 


અમદાવાદની સિવિલ હોસ્પિટલમાં કોરોનાના વધતા જતા કેસો વચ્ચે બાળકોને પણ કોરોના સંક્રમણ થઈ રહ્યું છે. સિવિલ હોસ્પિટલમાં 11 વર્ષથી નીચેના 6 બાળકો પોઝિટિવ આવ્યા છે. બાળકોને કોરોના વધતા ડોકટરોમાં પણ ચિંતા વધી રહી છે. ત્યારે આ વિશે સિવિલ હોસ્પિટલના સુપરિટેન્ડન્ટ રજનીશ પટેલે જણાવ્યું કે, બાળકોને કોરોના સંક્રમણથી બચાવવા માટે અલગ વોર્ડ બનાવવામાં આવ્યો છે. પોઝિટિવ માતા અને બાળકો માટે અલગ વ્યવસ્થા કરવામાં આવી છે.

 


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS